පියෙක් හා දියණියක් ළිඳක් තුළ මිය ගොස් තිබේ

පන්විල නගරයේ තැපැල් කාර්යාලය පිටුපස ළිඳක් තුල අද (30) පෙරවරු 7 ට පමණ පුද්ගලයෙකු සහ කුඩා ගැහැණු ළමයෙකුගේ මෘතශරිරයක් තිබි හමු වී ඇත.

සිද්ධිය සම්බන්ධයෙන් කළ පරික්‍ෂණවලින් අනාවරණ වී තිබෙන්නේ මිය ගොස් තිබෙන්නේ දසනායක මුදියන්සේලාගේ කුඩා බංඩා, වයස අවුරුදු 55 ක් අය හා නෙත්මිනි ගවේෂිකා වයස අවුරුදු 02 1/2 ක පන්විල ප‍්‍රදේශයේ පදිංචිකරුවන්ය.

සිද්ධිය සම්බන්ධයෙන් කළ පරික්‍ෂණවලින් හෙළී වී තිබෙන්නේ මෘතශරිර පශ්චාත් මරණ පරික්‍ෂණ කටයුතු සදහා මහනුවර රෝහලේ මෘත ශරිරාගාරයේ තැන්පත් කර තිබේ. මිය ගිය පුද්ගලයාගේ බිරිඳ විදේශ රැකියාවක නිරත වන අතර වයස අවුරුදු 6 ක ගැහැණු ළමයෙකු සහ අවුරුදු 12 ක පිරිමි ළමයෙකු සිටි.

මිය ගිය පියා විසින් පසුගිය දින කිහිපයකට පෙර නිවසේ තිබු ළමුන් විසින් අධ්‍යාපනය ලැබූ පොත් පත් ගිනි තබා විනාශ කොට මිය ගිය ගැහැණූ ළමයා රැගෙන නිවසින් පිටව ගොස් තිබේ. මේ සම්බන්ධව මිය ගිය පුද්ගලයාගේ වැඩිමල් දියණිය විසින් පන්විල පොලීසියට පැමිණිල්ලක් කර ඇත. පන්විල පොලීසිය මගින් මේ සමිබන්ධව පරීක්‍ෂණ සිදු කර අධිකරණයට කරුණු වාර්ථා කර තිබේ. ඒ අනුව අධිකරණය විසින් අවුරුදු 16 ක ගැහැණු ළමයා හා අවුරුදු 12ක පිරිමි ළමයා පරිවාස භාරයට පත් කර තිබේ. මෙය සියදිවි නසා ගැනිමක්ද යන්න පිලිබඳව පන්විල පොලීසිය මගින් වැඩිදුර විමර්ශන සිදු කරගෙන යනු ලබයි.