එක්සත් ජාතික පක්ෂය ඉදිරියේදි හොදින් හෝ නරකින් ජයග්‍රහණය කිරිමට ක්‍රියාපිළිවෙතක් අනුගමනය කරන බව,ජාතික සේවක සංගමයේ උප සංවිධායක ආනන්ද පාලිත මහතා පවසයි.
ඔහු මේ බව ප්‍රකාශ කලේ ඊයේ (30) පැවති මාධ්‍ය හමුවකදිය.එහිදි වැඩිදුරටත් අදහස් දක්වමින් ඒ මහතා කියා සිටියේ,සිරිකොතට පසුගිය දිනවලදි ගල් ගැසු අය වැරදි යැයි ප්‍රකාශ කරන්නේ "ඇම්බැට්ටයෝ "පිරිසක් විසින් බවයි.එක්සත් ජාතික පක්ෂය මහින්ද රාජපක්ෂ ආණ්ඩුව පෙරලිමට කටයුතු කරන්නේ නම්,සිරිකොතට පහරදි ප්‍රජාතන්ත්‍රවාදය ඉස්මතු කිරිමට තමන්ට අයිතියක් නොවන්නේ ඇයි යනුවෙන් ඔහු මෙහිදි ප්‍රකාශ කර සිටියා.සිරිකොත තුළ පවතින්නේ ඒකාධිපති පාලනයක්නම් ,මැර බලයක්නම් ,ජනතා විරෝධි ක්‍රියාවලිනම්,එය මැඩ පැවත්විමට එදා සිරිකොත පක්ෂ මූලස්ථානයට පහරදිම සධාරණ බවයි ඔහු පෙන්වා දුන්නේ.කෙසේ නමුත් ඉදිරියේදි එක්සත් ජාතික පක්ෂය හොදින් හෝ නරකින් ජයග්‍රහණය කිරිමට ක්‍රියාපිළිවෙතක් අනුගමනය කරන බව ඒ මහතා මෙහිදි වැඩිදුරටත් කියා සිටියා.
Post a Comment