තමන් හැම විටම සාකච්ඡා කරනු ලබන්නේ තමන්ට කැප මාතෘකාවන් බව,නිදහස් වේදිකාවේ සම කැදවුම්කාරිනි සහ කාන්තා දේශපාලන පීඨයේ අධ්‍යක්ෂිකා නිමල්කා ප්‍රනාන්දු මහත්මිය පවසයි.
අප කල විමසිමකදි ඇය මේ බව කියා සිටියා. ගබ්සාව ,සහ ගණිකා වෘත්තිය මෙරට නිතිගත කල යුතුයි යන බවට තමන් ප්‍රකාශ කිරිමත් සමග නොයෙක් අත්දැකිම් නැති පුද්ගලයින් නොයෙක් ප්‍රකාශ කිරිම කණගාටුවට කරුණක් බවද ඇය වැඩිදුරටත් පවසයි. කැසිනෝ සංස්කෘතිය හරහා මෙරට ලංකාවේ කාන්තාවන්ට සිදුවන ලිංගික හිරිහැර හේතුකොටගෙන තමන් එම අනතුරු ඇගවිම සිදු කල බවයි ඇය ලක් පුවත් වෙත කියා සිටියේ. තමන් කිසිවිටෙකත් අකැප මාතෘකාවක් පිළිබද කතා නොකරන බවත්,මේ කාරණාව පිළිබද නොයෙකුත් දෙනා නොයෙක් මත පල කරනුයේ නොදන්නා කමට බවත් ඇය වැඩිදුරටත් සදහන් කරයි. තමන්ගේ පාරිභාෂික ශබ්ද කෝෂයේ ගණිකාව යන නම ඇතුළත් නොවන බවත්,කැසිනෝ සංස්කෘතිය සහ සංචාරක කාර්මාන්තයේදි කාන්තාවන්ට ලිංගික කටයුතු වල යෙදිමට සිදු වන නිසා ඇයගේ සෞඛ්‍ය ආරක්ෂාව උදෙසා තමන් ගබ්සාව සහ ගණිකා වෘත්තිය මෙරට ක්‍රියාත්මක කල යුතු බව ප්‍රකාශ කල බවයි ඇය කියා සිටියේ. එම කාරණය කෙරෙහි සමාජය නිවැරදි වැටහිමක් ලබා ගත යුතු බවයි ඇය පෙන්වා දුන්නේ.
.jpg)
Post a Comment