උතුරේ පානීය ජල ගැටලුව විසඳීම සඳහා විශේෂ සාකච්ඡාවක් ඊයේ(27) පස්වරුවේ පවත්වා තිබේ.
ජනාධිපති මෛත්‍රීපාල සිරිසේන මහතාගේ ප්‍රදානත්වයෙන් මහවැලි සංවර්ධන හා පරිසර අමාත්‍යාංශ ශ්‍රවණාගාරයේ දී මෙම සාකච්ඡාව පැවති බව ජනාධිපති මාධ්‍ය අංශය සඳහන් කළේය.
උතුරේ ජනතාවගේ දැවෙන ප්‍රශ්නයක් බවට පත්ව ඇති මෙම පානීය ජල ගැටලුවට විසඳුම් සෙවීම සඳහා සියලු දෙනා ඉතා මානූෂීය අන්දමින් කටයුතු කළ යුතු බව ජනාධිපතිවරයා මෙහිදි පවසා ඇත.
මේ පිළිබඳව උතුරේ ආණ්ඩුකාරවරයා සහ ප්‍රධාන අමාත්‍යවරයා සමග නිරන්තරයෙන් සම්බන්ධ වෙමින් අවශ්‍ය කටයුතු සම්පාදනය කරන ලෙස ජනාධිපති මෛත්‍රීපාල සිරිසේන මහතා නිලධාරීන්ට උපදෙස් ලබා දී තිබේ.
එමෙන්ම උතුරේ ප්‍රධාන පරිසර ගැටලුවක් බවට පත්ව ඇති අනවසර වැලිගොඩ දැමීම් පිළිබඳව ද මෙහිදි ජනාධිපතිවරයා නිලධරීන්ගෙන් කරුණු විමසා ඇති බව ජනාධිපති මාධ්‍ය අංශය සඳහන් කළේය.
Post a Comment