අත්අඩංගුවට ගෙන ඇත්තේ අනුරාධපුර මූලස්ථාන පොලීසියට අනුයුක්තව සේවය කරන පොලිස් කොස්තාපල් 41347 නොයෙල් වොරන්ටියස් නම් අයෙකි.
වැසි ජලය බැස නොයාම හේතුවෙන් පීඩාවට පත්වී සිටි පුත්තලම 5 වන පටුමග පදිංචිකරුවන්ට ආහාර ද්ර ව්යන බෙදාදීම සඳහා පසුගිය 26 වැනිදා සවස පුත්තලම ආසනයේ ශ්‍රී ලංකා නිදහස් පක්ෂ කාන්තා බල මණ්ඩලයේ සාමාජිකාවන් පිරිසක් ගොස් ඇත.
එම ස්ථානයේ සිටි පිරිසක් තමන්ට බැණ තර්ජනය කර පළවා හැරි බව පුත්තලම ආසන බල මණ්ඩලයේ ලේකම් මේරි මාග්රුට් ප්‍රනාන්දු යන අයද පොලීසියට පැමිණිලි කරමින් පවසා තිබුණි.
මෙම සිද්ධිය දැන ගෙන එම ස්ථානයට ගිය තමන්ටද දෙදෙනෙකු බැන වැදී තර්ජනය කළ බවත්,ඒ අතර මෙම පොලිස් නිලධාරියාද සිටින බවත්, පුත්තලම නගරාධිපති කේ.ඒ.බායිස් මහතා පොලීසියට කර ඇති පැමිණිල්ලේ සඳහන් වේ.
සැකකාර පොලිස් නිලධාරියා කලහකාරී ලෙස හැසිරෙමින් තමන්ට පරුෂ වචනයෙන් බැන බදින ආකාරය දැක්වෙන වීඩියෝ දර්ශන ද නගරාධිපතිවරයා විසින් පොලීසියට ඉදිරිපත් කර තිබේ.
ඒ අනුව සැකකාර පොලිස් කොස්තාපල්වරයා අත්අඩංගුවට ගැනීමට පුත්තලම පොලීසියේ නිලධාරීන් කටයුතු කර තිබේ. සැකකරු පුත්තලම දිසා අධිකරණය වෙත ඉදිරිපත් කිරීමට නියමිතව ඇත.
Post a Comment