අලුත් පරපුර සංවිධානයට කුරුණෑගල, කුඹුක්ගැටේ ප්‍රදේශයේදී ප්‍රහාරයක් එල්ල කළ බවට චෝදනා එල්ල වන ප්‍රධාන සැකකරුවෙකු වන වයඹ පළාත් සභා මන්ත්‍රී දොන් කමල් ඉන්දික මහතා පොලීසියට බාර වී තිබේ.
අද(31) උදෑසන ගොකරැල්ල පොලීසියට මොහු බාර වූ බව වයඹ දිසාව බාර නියෝජ්‍ය පොලිස්පති අනුර සරත් කුමාර මහතා පවසයි.
"ඒකාධිපති වියරුව පරදවමු" යන මැයෙන් ඉකුත් 29 වන දින අලුත් පරපුර කලාකරුවන් පිරිසක් විසින් කුරුණෑගල කුඹුක්ගැටේ ප්‍රදේශයේදී සංවිධානය කළ සංකෘතික ප්‍රසංගයකට ප්‍රහාරයක් එල්ල වුණි.
එහිදී සමනලී ෆොන්සේකා, ඉන්ද්‍රචාප ලියනගේ ඇතුළු තරුණ කලාකරුවන් කිහිප දෙනෙකුසේම චිත‍්‍රපට අධ්‍යක්‍ෂ උදය ධර්මවර්ධන සහ ප‍්‍රවීණ ගායක ලක්‍ෂමන් විජේසේකර මහතා ද තුවාල ලබා ඇති බව වාර්තා විය.
Post a Comment