ප්‍රජාතන්ත්‍රවාදය රැකගැනීමට නම් විපක්ෂයක් අනිවාර්යෙන්ම අවශ්‍ය බව ජනාධිපති මහින්ද රාජපක්ෂ මහතා පවසයි.
පැරණිම දේශපාලන පක්ෂය වන එක්සත් ජාතික පක්ෂය මේ වනවිට පරිහානියටපත්ව ඇති අතර එම පක්ෂයට ජනාධිපතිවරණ අපේක්ෂකයෙකු පවා තෝරාපත්කර ගැනීමට නොහැකි වී ඇති බව ජනාධිපතිවරයා පෙන්වා දෙයි.
බණ්ඩාරනායක සම්මන්ත්‍රණ ශාලාවේ පැවති සමස්ථ ලංකා රක්ෂණ උපදේශකවරුන්ගේ සංගමයේ උත්සවයකට එක්වෙමින් ජනාධිපති මහින්ද රාජපක්ෂ මහතා මෙම අදහස් පළ කර තිබේ.
ඕනෑම දේශපාලන පක්ෂයකට ප්‍රජාතන්ත්‍රවාදය පැවතිය යුතු බව පෙන්වා දෙන ජනාධිපතිවරයා වත්මන් ආණ්ඩුව ප්‍රජාතන්ත්‍රවාදයට ඉහළින්ම ගරු කළ ආණ්ඩුවක් බව ද සඳහන් කළේය.
Post a Comment