පටු දේශපාලන අරමුණු වෙනුවෙන් රටේත්, ජාතියේත් අනාගතය පාවා නොදිය යුතු බව ජනාධිපතිවරයා කියා සිටියේ අද (16) කොළොන්නාව ප්‍රදේශයේ සංචාරයක නිරතවෙමිනි.
එහිදී පැවති ජනහමුව අමතමින් ජනාධිපතිවරයා කියා සිටියේ මේ රටේ සියලු දරුවන්ට හොඳ අධ්‍යාපනයක් ලබාදී ඔවුන් රටත් ලෝකයත් ජයගත හැකි පරපුරක් බවට පත්කිරීමට රජය දැඩි කැපවීමකින් කටයුතු කරමින් සිටින බවයි.
කොළොන්නාව ශ්‍රීලනිප සංවිධායක පාර්ලිමේන්තු මන්ත්‍රී ආර්.දුමින්ද සිල්වා විසින් මෙම ජනහමුව සංවිධානය කර තිබුණු බව 2015 ජනාධිපතිවරණ ප්‍රචාරක මෙහෙයුම් කාර්යාලය නිවේදනය කරයි.
මේ අතර බොරැල්ල, වනාතමුල්ල ප්‍රදේශයේ සංචාරයක නිරතවෙමින් ජනාධිපතිවරයා කියා සිටියේ අඩු පහසුකම් සහිත නිවාසවල ජීවත්වන ජනතාව වෙනුවෙන් නිවාස 70,000 ක් ඉදිකරදීමේ වැඩපිළිවෙලක් රජය විසින් මේවන විට සාර්ථකව ක්‍රියාත්මක කරන බවයි.
එම වැඩපිළිවෙල 2016 දී නිමාවීමට නියමිතව තිබුණද 2015 වන විට එය නිමා කිරීම රජයේ අපේක්ෂාව බවද ඔහු මෙහිදී වැඩිදුරටත් සඳහන් කළේය.
Post a Comment