එකී ලිපිය වැඩිදුරටත් පහත පරිදිය.
2014.12.16
ගරු මැතිවරණ කොමසාරිස්තුමා,
මැතිවරණ දෙපාර්තමේන්තුව,
ප්රධාන කාර්යාලය,
රාජගිරිය.
ගරු කොමසාරිස්තුමනි,
ශ්රී ලංගම සේවකයන්ගේ තැපැල් ඡන්දය ඔවුන්ගේ අභිමතය පරිදි පාවිච්චි කිරීමට අයිතිය තහවුරු කිරීමට, ශ්රී ලංගම බස්රථවල සහ ඩිපෝවල ප‍්‍රදර්ශනය කර ඇති ජනාධිපති අපේක්ෂක මහින්ද රාජපක්ෂ මහතාගේ කටවුට්, ඡායාරූප ඉවත් කිරීමට ශ්රී ලංගම බස් රථ මැතිවරණ ප‍්‍රචාරණ කටයුතු සඳහා යොදා ගැනීම වැළැක්වීමට කඩිනමින් මැදිහත්වන ලෙස ඉල්ලා සිටීම.
ශ්රී ලංගම සේවකයින්ට බලපෑම් කර බලහත්කාරයෙන් ඔවුන්ට තැපැල් ඡන්දය ලියාපදිංචි කර පාවිච්චි කිරීමට ශ්රී ලංගම ඇතැම් වෘත්තිය සමිති නිලධාරීන් සහ ශ්රී ලංගම බලධාරීන් මේ මොහොතේ බලපෑම් කර ඇත. එම බලපෑම් නිසාම ශ්රී ලංගම සේවකයන්ගෙන් අතිබහුතරයක් අකමැත්තෙන් තැපැල් ඡන්ද ලියාපදිංචි කර ඇත. තැපැල් ඡන්ද දිනයන් තුළ ඔවුන්ගේ ඡන්දය අදාල නිලධාරීන්ට, බලධාරීන්ට පෙන්වා සලකුණු කරන ලෙසට බලපෑම් සහ නියෝග කර ඇත. මෙවැනි තත්ත්වයක් තුළ ශ්රී ලංගම සේවකයන්ට ඔවුන්ගේ අභිමතය පරිදි තැපැල් ඡන්දය පාවිච්චි කිරීමට ඉඩකඩ නොමැති නිසා මෙම තත්ත්වය වැළැක්වීමට ඔබතුමා කඩිනමින් මැදිහත්වී විධිමත් ක‍්‍රියාමාර්ගයන් ගන්නා ලෙස පළමුව අප සංගමය ඔබතුමාගෙන් ඉල්ලා සිටින්නෙමු.
මීට අමතරව ජනාධිපති අපේක්ෂක මහින්ද රාජපක්ෂ මහතාගේ කටවුට්, පෝස්ටර් ශ්රී ලංගම ඩිපෝවල සහ බස්රථවල බහුලව ප‍්‍රදර්ශනය කර ඇත. මෙය බරපතළ ලෙස මැතිවරණ නීති උල්ලංඝණය කිරීමකි.
එක්තරා වෘත්තිය සමිති ලේකම්වරයෙක් මෙසේ එම ඡායාරූප ප‍්‍රදර්ශනය කිරීමට, බැනර් දැමීමට නියෝග කර ඇත. එවැනි නියෝගයක් දීමට එම වෘත්තීය සමිති නායකයාට කිසිදු නීතිමය අයිතියක් නොමැත. එමනිසා ශ්රී ලංගම ඩිපෝවල, බස් රථවල ප‍්‍රදර්ශනය කර ඇති ජනාධිපති අපේක්ෂක මහින්ද රාජපක්ෂ මහතාගේ කටවුට්, ඡායාරූප ඉවත්කිරීමට කඩිනමින් මැදිහත්වන ලෙස ද අප සංගමය ඔබතුමාගෙන් ඉල්ලා සිටින්නෙමු.
තවද ශ්රී ලංගම බස් රථ මැතිවරණ කටයුතුවලට ඉතා අඩු මුදලකට දිගින් දිගටම ලබාගැනීමේ ක‍්‍රියාවලියක් නීති විරෝධීව මැතිවරණ නීති උල්ලංඝණය කරමින් ක‍්‍රියාත්මක වේ. එම ක‍්‍රියාවලිය මේ මොහොතේත් දිගින් දිගටම සිදුවෙමින් පවතී. එක් අපේක්ෂකයෙකුට මෙසේ රාජ්‍ය දේපළ මැතිවරණ කටයුතු සඳහා යොදා ගැනීමට ඉඩකඩ සැලසීම මැතිවරණ නීති බරපතළ ලෙස උල්ලංඝණය කිරීමක් වන අතර අනිකුත් ජනාධිපති අපේක්ෂකයන්ට බලවත් අසාධාරණයක් ද ඉන් සිදුවේ. එම නිසා ශ්රී ලංගම බස් රථ දේශපාලන රැස්වීම්වලට මහජනතාව ප‍්‍රවාහනය කිරීමට ලබා ගැනීම වැළැක්වීමට අවශ්‍ය පියවර ගන්නා ලෙස ද අප සංගමය ඔබතුමාගෙන් ඉල්ලා සිටිමු.
ශ්රී ලංගම නිලධාරීන්ට නීති විරෝධී ලෙස මැතිවරණ නීති උල්ලංඝණය කරමින් ක‍්‍රියාත්මක කරන ලෙස නියෝග දී ඇති චක‍්‍රලේඛනයට සමාන ලිපිය ද ශ්රී ලංගම ඩිපෝවල සහ බස්රථවල ප‍්‍රදර්ශනය කර ඇති ජනාධිපති අපේක්ෂක මහින්ද රාජපක්ෂ මහතාගේ කටවුට් සහ ඡායාරූප ද ඔබතුමාගේ අවධානය සඳහා මේ සමඟ අමුණා ඇත.
ගරු මැතිවරණ කොමසාරිස්තුමනි,
ඉහත කරුණු පිළිබඳව ඔබතුමාගේ විශේෂ අවධානය යොමුකර ශ්රී ලංගම සේවකයන්ගේ තැපැල් ඡන්දය ඔවුන්ගේ අභිමතය පරිදි පාවිච්චි කිරීමට අයිතිය තහවුරු කරන ලෙසත්, ශ්රී ලංගම ඩිපෝවල සහ බස්රථවල නීති විරෝධී ලෙස ප‍්‍රදර්ශනය කර ඇති ජනාධිපති අපේක්ෂක මහින්ද රාජපක්ෂ මහතාගේ කටවුට්, ඡායාරූප ඉවත් කිරීමට මැදිහත්වන ලෙසත් ශ්රී ලංගම බස්රථ මැතිවරණ කටයුතු සඳහා නීති විරෝධී ලෙස යොදවාගැනීම අත්හිටුවන ලෙසත් අප සංගමය ඔබතුමාගෙන් ඉමහත් ගෞරවයෙන් ඉල්ලා සිටින්නෙමු. ස්තූතියි.
මෙයට - විශ්වාසී,
සේපාල ලියනගේ
ප්රධාන ලේකම්
සමස්ත ලංකා ප්රවාහන සේවක සංගමය
Post a Comment