ප්‍රාදේශීය සභා හා නගර සභා මන්ත්‍රීවරු තිදෙනෙකු පොදු අපේක්ෂක මෛත්‍රිපාල සිරිසේන මහතාට සහය ලබාදීමට එක්ව තිබේ.
ඔවුන් තිදෙනා හා හිටපු ජනපතිනි චන්ද්‍රිකා බණ්ඩාරනායක මහත්මියගේ ප්‍රධානත්වයෙන් මාධ්‍ය හමුවක් අද (16) හිටපු ජනපතිනියගේ නිවසේදී පැවැත්විණ.
මෙලෙස මෛත්‍රිපාල සිරිසේන මහතාට සහය පළ කිරීමට එක්වූයේ අත්තනගල්ල ප්‍රාදේශීය සභාවේ එක්සත් ජනතා නිදහස් සන්ධාන මන්ත්‍රී ඉන්දික රාජපක්ෂ, මීරිගම ප්‍රාදේශීය සභා මන්ත්‍රී සෝමරත්න දියනෙත්ති හා හලාවත නාගරික මන්ත්‍රීනී නීතීඥ ජීවනී කාරියවසම් යන තිදෙනාය.
ඔවුන් එහිදී මාධ්‍ය අමතමින් කියා සිටියේ රජයේ සංවර්ධන වැඩපිළිවෙළ තුළ සිදුවන දූෂණ නිසා ඉදිරි මැතිවරණයේදී මෛත්‍රිපාල සිරිසේන මහතාට සහය ලබාදෙන බවයි.
ඡායා රූ - ඔසඳ දහම් නිම්සර
Post a Comment