ඉදිරි ජනාධිපතිවරණයේ දී දෙමළ ජාතික සන්ධානයේ ස්ථාවරය අද ප්‍රකාශයට පත් කිරිමට නියමිතයව තිබේ.
දෙමළ ජාතික සන්ධානයේ ප්‍රකාශකයෙකු සදහන් ක‍‍ළේ අද පෙරවරුවේ මාධ්‍ය හමුවක් පවත්වා සිය පක්ෂයේ ස්ථාවරය දැනුම්දෙන බවයි.
ඉලංගෙයි තමිල් අරුසුකච්චි පක්ෂය ඇතුළු දෙමළ ජාතික සන්ධානයට අයත් පක්ෂවල නියෝජිතයින් පසුගිය දින කිහිපය තුළම ජනාධිපතිවරණය සම්බන්ධයෙන් සාකච්ඡා පවත්වනු ලැබුණි.
ඒ අනුව මේ වන විට ඉදිරි ජනාධිපතිවරණයේ දී සිය පක්ෂය අවසන් එකඟතාවයකට පැමිණ ඇති බව දෙමළ ජාතික සංධානය සදහන් ක‍ළේය.
මෙතෙක් දෙමළ ජාතික සන්ධාන සිය ස්ථාවරය ප්‍රකාශයට පත් නොකළ ද ආණ්ඩුව පවසන්නේ පොදු අපේක්ෂක මෛත්‍රීපාල සිරිසේන මහතා සහ දෙමළ ජාතික සන්ධානය අතර එකඟතාවක් පවතින බවයි.
.jpg)
Post a Comment