තැපැල් ඡන්ද සලකුණු කිරිම පසුගිය 23 සහ 24 යන දෙදින ලබා දී තිබු අතර පොලිස් නිලධාරින් සඳහා තැපැල් ඡන්දය සලකුණු කිරිමට පසුගිය 26 දින අවස්ථාව ලබා දී තිබුණි.
එම දින වල තැපැල් ඡන්දය සලකුණු කිරිමට නොහැකි වු පුද්ගලයින් සඳහා අද දිනයේ අවස්ථාව හිමිවන බව මැතිවරණ මහලේකම් කාර්යාලය සඳහන් කළේය.
සියලුම දිස්ත්‍රික් මැතිවරණ ලේකම් කාර්යාල වල ඒ සඳහා අවස්ථාව ලබා දී තිබේ.
ඒ අනුව තැපැල් ඡන්දය ප්‍රකාශ නොකළ පුද්ගලයින් රාජකාරි ආයතනය අයත් දිස්ත්‍රික්කයේ මැතිවරණ මහ ලේකම් කාර්යාලයට ගොස් සිය තැපැල් ඡන්දය සලකුණු කල හැකි බව අතිරේක මැතිවරණ කොමසාරිස් යු. අමරදාස මහතා සදහන් කර සිටියේය.
මේ අතර ජනාධිපතිවරණයට අදාළව තාවකාලික හැඳුනුම්පත් නිකුත් කිරීමේ කාලය ලබන 03වන දින අවසන් වන බව මැතිවරණ මහලේකම් කාර්යාලය පවසයි.
වලංගු හැඳුනුම්පතක් නොමැති සැම පුද්ගලයෙකු ම ඡන්ද ප්‍රකාශ කීරිම සඳහා තාවකාලික හැඳුනුම්පතක් ලබා ගැනීම අනිවාර්යවෙයි.
ග්‍රාම නිලධාරිවරයා මාර්ගයෙන් අදාළ තවකාලික හැදුනුම්පත් ලබා ගත හැකි අතර ලබන 03 දිනෙන් පසුව තවකාලික හැදුනුම්පත් නිකුත් කිරිම නතර කරන බව මැතිවරණ මහ ලේකම් කාර්යාලය සඳහන් කළේය.
Post a Comment