අද පෙරවරු 6න් අවසන් වු පැය 24ක තුළ බීමත් රියදුරන් 125දෙනෙකු අත්අඩංගුවට ගෙන ඇති බව පොලීසිය පවසයි.
බීමත් රියදුරන් අත්අඩංගුවට ගැනීම සඳහා පැය 24 පුරා ක්‍රියාත්මක විශේෂ මෙහෙයුමක් පසුගිය 24 වැනිදා පොලීසිය ආරම්භ කළේය..
ඒ අනුව මේ දක්වා බීමත් රියදුරන් 660 දෙනෙකු අත්අඩංගුවට ගෙන ඇති බව පොලිස් මූලස්ථානය පැවසීය.
අත්අඩංගුවට ගත් පිරිස අතුරෙන් 335 දෙනෙකුම යතුරුපැදිකරුවන්ය.
මීට අමතරව ත්‍රිරෝද රථ රියදුරන් 227 දෙනෙකු , මෝටර් රථ රියදුරන් 43 දෙනෙකු, වෑන් රථ රියදුරන් 20 දෙනෙකු, ලොරි රථ රියදුරන් 20 දෙනෙකු සහ පෞද්ගලික මගී ප්‍රවාහන බස් රථ රියදුරන් 5 දෙනෙකු අත්අඩංගුවට ගත් පිරිස අතර වේ.
Post a Comment