පෑලියගොඩ, නුගේපාර හංදියේදී සිදුවූ වෙඩිතැබීමකින් තුවාල සිදුවූ පුද්ගලයෙකු කොළඹ ජාතික රෝහලට ඇතුළත් කර තිබේ.
අද (13) පෙ.ව 10.30 ට පමණ සිදුවූ මෙම වෙඩි ප්‍රහාරයෙන් තුවාල ලබා ඇත්තේ ගාල්ල මිහිදුගේ රංගනාත් ප්‍රසන්න හෙවත් යකඩ රංග නැමැත්තෙකු බව වැ.බ පොලිස් මාධ්‍ය ප්‍රකාශක,සහකාර පොලිස් අධිකාරී,නීතිඥ රුවන් ගුණසේකර මහතා අද දෙරණට කියා සිටියේය.
සිද්ධියෙන් අනතුරුව වෙඩිතැබූ පුද්ගලයා ටික දුරක් පයින් ගොස් ත්‍රී රෝද රථයක නැඟී පලාගිය බවට තොරතුරු ලැබී ඇති බව ඔහු සඳහන් කළේය.
එසේම වෙඩිවැදුණු යකඩ රංග නමැති අයගෙන් අවස්ථා කිහිපයකදීම යම් යම් අපරාධ සිද්ධීන් සම්බන්ධයෙන් පෑලියගොඩ පොලීසිය විසින් ප්‍රකාශ සටහන් කරගෙන තිබුණු අයෙකු බවද වැ.බ පොලිස් මාධ්‍ය ප්‍රකාශකවරයා කියා සිටියේය.
උදරය පෙදෙසට වෙඩිවැදී තුවාල ලැබූ පුද්ගලයා මේවන විට කොළඹ ජාතික රෝහලේ ප්‍රති ජීවන කාමරයේ ප්‍රතිකාර ලබන බව සඳහන්ය.
Post a Comment