උඩරට දුම්රිය මාර්ගයේ දුම්රිය ධාවන කටයුතු නානුඔය දක්වා පමණක් මේවන විට සිදුකරන බව දුම්රිය පාලක මැදිරිය පවසයි.
පසුගිය දිනවල පැවැති අයහපත් කාලගුණය හේතුවෙන් උඩරට දුම්රිය මාර්ගයේ ප්‍රදේශ කිහිපයකට පස් කඳු කඩා වැටීමෙන් දුම්රිය ධාවනයට බාධා එල්ල විය.
මේ හේතුවෙන් උඩරට දුම්රිය මාර්ගයේ දුම්රිය ධාවනය රඹුක්කන දක්වා සීමා කර තිබුණි.
කෙසේ වෙතත් ඊයේ දිනය වන විට එම මාර්ගයේ ප්‍රතිසංස්කරණ කටයුතු නිම කිරීමෙන් අනතුරුව මහනුවර දක්වා දුම්රිය ධාවනය කිරීමට පියවර ගත් බව දුම්රිය ගමනාගමන අධිකාරි එල්.ඒ.ආර්. රත්නායක මහතා සඳහන් කළේය.
මේ වන විට නානුඔය දක්වා වු දුම්රිය මාර්ගයේ ප්‍රතිසංස්කරණ කටයුතු නිම කර ඇති බැවින් නානුඔය දක්වා දුම්රිය ධාවනය කෙරෙන බව එල්.ඒ.ආර්. රත්නායක මහතා වැඩිදුරටත් පැවසුවේය.
.jpg)
Post a Comment