එසේම කැනඩාව, ඔස්ට්‍රේලියාව හා නෙදර්ලන්තය යන රටක සිය පවුලටම පුරවැසිභාවය ලබාදෙන බවත්, අවශ්‍ය නම් හෝමාගම සම සංවිධායක ධූරය ලබාදිය හැකි බවත්, පැවසුවේ යැයිද හෙතෙම අනාවරණය කරයි.
ඔහු මේ බව කියා සිටියේ ප්‍රජාතන්ත්‍රවාදී පක්ෂයේ පළාත් සභා මන්ත්‍රීන් තිදෙනෙකු මහින්ද රාජපක්ෂ ජනාධිපතිවරයා සහය පළ කිරීම සඳහා එක්වීම සම්බන්ධයෙන් අදහස් දැක්වීම සඳහා කොළඹදී අද (11) පස්වරුවේ පැවැති මාධ්‍ය හමුවකදීය.
එම මාධ්‍ය හමුව ඇමතුව එම පක්ෂයේ බස්නාහිර පළාත් සභා මන්ත්‍රී සුසිල් කි‍ඳෙල්පිටිය මහතා පැවසුවේ යුද ගිනි නිව්වා සේ බඩගිනි නිවීමටත් සරත් ෆොන්සේකා මහතා සුදානම් බවයි.
තම පක්ෂයේ සාමාජිකයින් ආණ්ඩුවට ගැනීමට තරම් රෙජිමය බංකොලොත් බවත්, කෙසේ වුවද තමන් පක්ෂය දමා නොයන බවත්, හෙතෙම කීවේය.
මාධ්‍ය හමුව ඇමතු එම පක්ෂයේ බස්නාහිර පළාත් සභා මන්ත්‍රී අරුණ දීපාල් මහතා පැවසුවේ තම පක්ෂයේ සාමාජිකයින් මුදලට ගැනීම වූ කලී අසික්කිත දේශපාලනයේ තවත් දිගුවක් බවයි.
ඔවුන් පළාත් සභා සඳහා පත් කළේ ආණ්ඩු විරෝධී ජනතාව විසින් බවත්, එසේ කළ සාමාජිකයින්ට පක්ෂයේ විනය ක්‍රියාමාර්ග අනූව අධිකරණයට යන බවත්, හෙතෙම කියා සිටියේය.
එහිදී අදහස් දැක්වූ ප්‍රජාතන්ත්‍රවාදී පක්ෂයේ ජාතික සංවිධායක ගයාන් විතානගේ මහතා පැවසුවේ තම පක්ෂයේ මන්ත්‍රීන් තිදෙනෙකු ආණ්ඩුව මුදලට බිලි බා ගත් බවයි.
Post a Comment