නේපාලයේ සිදුවු භූමිකම්පාවෙන් ශ්‍රී ලාංකිකයින් කිසිවෙකුටත් අනතුරක් සිදු වු බවට මෙතෙක් වාර්තා වී නොමැති බව නේපාලයේ ශ්‍රී ලංකා තනාපති කාර්යාලය පවසයි.
එහි ප්‍රකාශිකාවක සඳහන් කළේ දැනට නේපාලයේ සිටින ශ්‍රී ලාංකිකයින් පිළිබඳව තොරතුරු ලබා ගනිමින් සිටින බවයි.
නේපාලයට අද දහවල් ප්‍රබල භූ කම්පන තත්ත්වයක් ඇති වුණි.
නේපාලයේ කත්මණ්ඩු අගනුවරට ආසන්නයේ ඇතිවු මෙම භූ කම්පනය රික්ටර් මාපකයේ ඒකක 7.9ක ප්‍රබලත්වයකින් යුක්ත බව වාර්තා විය.
මෙම භූ කම්පනයෙන් පුද්ගලයින් 688කට අධික පිරිසක් මියගොස් ඇති බව විදෙස් මාධ්‍ය වාර්තා මේ වන විට සඳහන් කරයි.
Post a Comment