අගමැති කාර්යාලයෙන් නිකුත් කර ඇති ලිපියට අනුව මත්ද්‍රව්‍ය ජාවාරම්කරුවන් ආරක්ෂා කරන්නේත්, ඔවුනට උදව් කරන්නේත් රටේ අගමැතිවරයා බවයි ඕමල්පේ සෝභිත හිමියන් පවසන්නේ.
එබැවින් මෙම වගකීම සම්පූර්ණයෙන් බාරගන අගමැතිවරයා තනතුරෙන් ඉවත් විය යුතු බවයි උන්වහන්සේ පවසා තිබෙන්නේ.
"අද මේ රටේ දුරාචාරය දැඩි ලෙස රජකරනවා. ඒ සඳහා ඉහළම දේශපාලන රැකවරණය ලැබෙන බවට අගමැති කාර්යාලයෙන් අගමැතිවරයාගේ ලේකම්වරයා විසින් යවා ඇති ලිපිය සාක්ෂියක්.
එය තමාගේ උපදේස් පිට යවන ලද්දක් නොවන බවට අගමැතිවරයා කිව්වත්, එය අගමැතිවරයාගේ උපදෙස් මත යැවූ බවට ලේකම්වරයා සඳහන් කර ඇති නිසා කවුද බොරු කියන්නේ කියලා තේරුම්ගන්න පුළුවන්.
කුඩු කන්ටේනරය ගැන අගමැතිතුමා කියන්නේ ලේකම්වරුන් ලියුම් ලිවුවාට ඒක කියවන්න වෙලාවක් නැති බවයි. කවුරු මොනවා කිව්වා වුණත් අර මර්වින් සිල්වා ඇමතිතුමාටත් මම හිතෙනවා ,මේ අගමැතිට වඩා සදාචාරයක් තියෙනවා කියලා. ඔහු අඩු තරමින් වරදක් කර අහුවුණාම තමන් ළඟ හිටිය කෙනෙක් එයා මගේ ලේකම් නෙවෙයි කියලා හරි කියනවා. නැත්නම් තාවකාලිකව හෝ එයාව අයින් කරලා දානවා.
මේ අගමැතිට එහෙම සදාචාරයක් වත් නැහැ. අගමැතිට ලියුම් කියවන්න වෙලාවක් නැතිනම්, විශ්වාසදායී නිලධාරියෙක් නැතිනම් අයින් වන්න ඕනෑ. තමන්ට ශක්තියක්, සිහි කල්පනාවක් නැතිනම් අගමැති පදවියෙන් අයින් වෙන්න. රටට කරන ලොකුම සේවය ඒකයි
තමාගේ සිහිකල්පනාව නැත්නම්, අතපය වලංගු නැත්නම්, ඉන්ද්‍රිය හරි හැටි ක්‍රියාකරන්නේ නැත්නම් මේ විදිහට මත්කුඩු ජාවාරම්කරුවන්ට ආධාර අනුබල නොදී තනතුරේ ගරුත්වය ආරක්ෂාවීමට වහාම ඉල්ලා අස්වෙන්න ඕනේ.
අද කරඬුවක් ගෙන්වාගැනීමේදීත්, සිවුරක් ගෙන්නාගැනීමේදීත් බදු අය කරනවා. ඒත් මත්කුඩු වලට කිසිම බද්දක් නෑ. මත් කුඩු ගේන්වන අය රකින්නේ කවුද කියලා මේකෙන් ඔප්පුවෙනවා."
Put the internet to work for you.
Post a Comment