තම අත්සන ව්‍යාජ ලෙස යොදාගනිමින් ගිවිසුමක් අත්සන් කර ඇති බවට පරීක්ෂණයක් කරන්නැයි විපක්ෂනායක රනිල් වික්‍රමසිංහ මහතා විසින් පොලිස්පතිවරයාගෙන් කළ ඉල්ලීමට අනූව සෞඛ්‍ය අමාත්‍ය තිස්ස අත්තනායක මහතාගෙන් රහස් පොලීසිය ප්‍රශ්න කර තිබේ.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි අජිත් රෝහණ මහතා පැවසුවේ අද පෙරවරුවේ මේ සම්බන්ධයෙන් අපරාධ පරීක්ෂණ දෙපාර්තමේන්තුවේ නිලධාරීන් තිස්ස අත්තනායක අමාත්‍යවරයාගෙන් ප්‍රකාශයක් සටහන් කරගෙන ඇති බවයි.
තිස්ස අත්තනායක මහතා විසින් පසුගියදා මාධ්‍ය හමුවකදී කියා සිටියේ විපක්ෂනායකවරයා හා මෛත්‍රිපාල සිරිසේන මහතා අතර රහස් ගිවිසුමක් අත්සන් කර ඇති බවයි.
මෙම ප්‍රකාශය ගැන සැලවීමෙන් පසු පරීක්ෂණයක් කරන ලෙස ඉල්ලා විපක්ෂනායක රනිල් වික්‍රමසිංහ මහතා පොලිස්පතිවරයාගෙන් ඉල්ලීමක් කරන ලදී.
තමාගේ හා මෛත්‍රිපාල සිරිසේන මහතාගේ අත්සන් ව්‍යාජ ලෙස යොදාගනිමින් සකස් කර ඇති බව කියන එම ගිවිසුම ගැන පරීක්ෂණයක් පවත්වන ලෙස විපක්ෂනායකවරයා පොලිස්පතිවරයාගෙන් ඉල්ලා තිබිණ.
.jpg)
Post a Comment