හකීම් මහතා 2005දී මෙන්ම 2010දීත් විපක්ෂ‍යේ අපේක්ෂකයා දිනවීමට කටයුතු කළ බව උන්වහන්සේ පෙන්වාදෙයි.
මැතිවරණයෙන් පසුව ඔහු නැවත ආණ්ඩුවට එක්වූ බවද ඥානසාර හිමියන් කොළඹදී අද (29) පැවැති මාධ්‍ය හමුවකදී පෙන්වාදුන්නේය.
මෛත්‍රිපාල සිරිසේන මහතා රවුෆ් හකීම් සමග හා චන්ද්‍රිකා මැතිණිය සමග ගැසූ ගිවිසුම් කුමක්දැයි හෙළි කළ යුතු බවද උන්වහන්සේ පැවසීය.
එල්.ටී.ටී.ඊය 2002 මුස්ලිම් ජනතාව ඝාතනය කරද්දී හකීම් ප්‍රභාකරන්ලා එක්ක සාම ගිවිසුම් ගැසූ බවත්, රටට සාමය ගෙන එන ගමනේදී මුස්ලිම් කොංග්‍රසයේ කිසිවෙකුත් ජීවිත පූජා නොකළ බවත්, ඥානසාර හිමියන් සඳහන් කළේය.
එසේම රවුෆ් හකිම් දෙමළ සන්ධානය සමග එකතු වී සිංහලයින්ට එරෙහිව ජාත්‍යන්තරයට ගතු කියන බවද උන්වහන්සේ පෙන්වාදුන්නේය.
“පාඨලි චම්පිකලා කැබිනට් එකේ කෑ ගහන්නේ නැතිව දැන් වේදිකාවේ ආණ්ඩුවේ වැරදි ගැන කියමින් කෑ ගහනවා” යැයිද උන්වහන්සේ පැවසීය.
එසේම දැන් “වෙනසක් වෙනසක් ගැන හැමතැනම කියවනවා. වෙනස හරියට වෙනවා නම් හොඳයි. විනාශයක් නැති නම් වෙනස හොඳයි” එහෙම නොවුණහොත් වෙන්නේ රට විනාශ වීම පමණක් යැයිද ඥානසාර හිමියන් කියා සිටියේය.
Post a Comment