ගම්පොල - මහනුවර දුම්රිය මාර්ගයේ 73 සැතපුම් කණුව අසළ දී දුම්රියක ගැටීමෙන් කාන්තාවක ජීවිතක්ෂයට පත්ව තිබේ.
කාන්තාව දුම්රිය මාර්ගයේ ගමන්කරමින් සිටියදී මහනුවර සිට නානුඔය දෙසට ගමන් කළ දුම්රියේ ගැටීමෙන් අනතුර සිදුව ඇත.
අනතුරෙන් බරපතළ තුවාල ලැබු කාන්තාව ගම්පොළ රෝහලට ඇතුළත් කිරිමේදී මියගොස් තිබේ.
මියගොස් ඇත්තේ 31 හැවිරිදි බ්‍රේසයිඩ් ජනපදය, හැරලකොළ ප්‍රදේශයේ පදිංචිව සිටි කාන්තාවකි.
මෘතශරීරය ගම්පොළ රෝහලේ තබා ඇති අතර පශ්චාත් මරණ පරික්ෂණය අද දින සිදු කිරීමට නියමිතය.
ගම්පොළ පොලිසිය මේ සම්බන්ධයෙන් වැඩිදුර විමර්ශන සිදුකරයි.
Post a Comment