භූ කම්පනයෙන් විපතට පත් නේපාල ජනතාවට අවශ්‍ය ද්‍රව්‍ය පරිත්‍යාග කිරීමට කැමැත්තක් දක්වන පුද්ගලයින්ට ඒවා දිස්ත්‍රික් ලේකම් කාර්යාල වෙත බාරදිය හැකි බව අග්‍රාමාත්‍ය කාර්යාලය පවසයි.
විපතට පත් ජනතාවගේ හදිසි අවශ්‍යතා සපුරාලීම සඳහා අවශ්‍ය වන ද්‍රව්‍යය නේපාල රජය විසින් දැනුම්දී ඇති බව එම කාර්යාලය කියයි.
ඒ අනුව කූඩාරම්, මෙට්ට, පානීය ජලය, ජලය පිරිසිඳු කිරීමේ උපකරණ, සනීපාරක්ෂක කට්ටල හා භාණ්ඩ මෙන්ම එළිමහන් කඳවුරු සඳහා අවශ්‍ය උපකරණ අත්‍යවශ්‍යව පවතින බව නේපාල රජය විසින් දැනුම් දී ඇත.
පරිත්‍යාග කිරීමට කැමති සංවිධාන හා පුද්ගලයින් ඒ ඒ දිස්ත්‍රික් ලේකම්වරයා වෙත ඒවා බාරදිය හැකි බව අග්‍රාමාත්‍ය කාර්යාලය නිවේදනය කළේය.
එමෙන්ම ආපදා කළමනාකරණ මධ්‍යස්ථානය හරහා ද මේ සම්බන්ධයෙන් තොරතුරු ලබාගත හැකි බව එම කාර්යාලය වැඩිදුරටත් පැවසුවේය.
Post a Comment