අමෙරිකානු එක්සත් ජනපදයේ රාජ්‍ය ලේකම් ජෝන් කෙරී එළඹෙන මැයි 02වන සෙනසුරාදා දින ශ්‍රී ලංකාවට පැමිණීමට නියමිතව තිබේ.
ඉකුත් පාලන සමයේ අමෙරිකාව-ශ්‍රීලංකාව අතර දුර්වලව පැවති රාජ්‍ය තාන්ත්‍රික සබඳතා ශක්තිමත් කරගනු පිණිස ජනාධිපති මෛත්‍රීපාල සිරිසේන මහතා හමුවී සාකච්ඡා කිරීම මෙම සංචාරයේ අරමුණ බැව් සඳහන්ය.
එසේම මෙම සංචාරයේදී ඉකුත් මැතිවරණය සාර්ථකව පැවැත්වීම හා බලහුවමාරුව සිදුවීම කෙරෙහිද කෙරීගේ අවධානයට ලක්වනු ඇතැයි රොයිටර් පුවත් සේවය උපුටා දක්වයි.
එපමණ් නොව ශ්‍රී ලංකාවේ මානව හිමිකම් උල්ලංඝණයවීම් පිළිබඳව , එනම් විශේෂයෙන් පැවති යුදමය වාතාවරණය තුළ සිදුවූ අකටයුතුකම් පිළිබඳවද මෙහිදී සාකච්ඡා කෙරෙනු ඇතැයි කියැවෙයි.
ශ්‍රී ලංකා සංචාරයෙන් පසු ජෝන් කෙරී මැයි මස 05 වන දින ඩිබූටි ජනරජය බලා ගොස් එහි නායකයින් හමුවී යෙමනයේ පවත්නා ගැටුම්කාරී තත්ත්වය හා ගැටුම් සමනය කිරීමෙහිලා ලබාදිය හැකි සහය සම්බන්ධයෙන් සාකච්ඡා කිරීමට නියමිතය.
Post a Comment