අලුතින් ඉදිවන ජෝන්ද සිල්වා සමරු රඟහල පිළිබඳ සොයා බැලීම සඳහා කමිටුවක් පත් කිරීමට අග්‍රාමාත්‍ය රනිල් වික්‍රමසිංහ මහතා තීරණය කර තිබේ.
නාට්‍යවේදීන්ගෙන් සමන්විත කමිටුවක් ඒ සඳහා පත් කරනු ඇති බව සඳහන්ය.
අදාළ රඟහල සම්බන්ධයෙන් නාට්‍යකරුවන් බොහෝ පිරිසක් කළ ඉල්ලීමකට ප්‍රතිචාර දක්මින් අග්‍රාමාත්‍යවරයා මෙම කමිටුව පත් කිරීමට තීරණය කර තිබේ.
නාට්‍යකරුවන් එහිදී පෙන්වාදී ඇත්තේ අභිනව ජෝන්ද සිල්වා රඟහලේ නාට්‍යය සංස්කෘතියක් වර්ධනය කිරීමට අවශ්‍ය කිසිදු පහසුකමක් නොමැති බවයි.
එය ඉදිකිරීමට වැය වන අධික මුදල අනුව නාට්‍යයක් රංගගත කිරීමට නාට්‍යකරුවන්ගෙන් දැරිය නොහැකි මිලක් අයකෙරෙනු ඇති බවට ඔවුන් පෙන්වා දී තිබේ.
නාට්‍යවේදීන්ගේ කමිටුවේ වාර්තාවට අනුව ජෝන්ද සිල්වා රඟහල ඉදිකිරීම පිළිබඳ අවසන් තීරණයකට එළඹීමට නියමිතය.
Post a Comment