එල්.ටී.ටී.ඊ. සංවිධානය ඉන්දියාව තුළ තහනම් ත්‍රස්තවාදී සංවිධානයකි.
එම සංවිධානයට එරෙහි වසර 5ක තහනම පසුගිය නොවැම්බර් 20 වැනිදා ඉන්දීය දිල්ලි මහාධිකරණය විසින් නැවත වරක් දීර්ඝ කරන ලදී.
කෙසේ වුවද එකී තහනම තවදුරටත් දීර්ඝ කිරීම සම්බන්ධයෙන් ඉන්දියාවේ දේශපාලන බල ව්‍යුහය තුළ සංවාදයක් මතුව තිබේ.
ඒ අනූව මේ ගැන විශේෂ ජූරි සභාවක් ඉදිරියේ සංවාදයක් ආරම්භ වී ඇත.
එම සංවාදයේදී ඉන්දීය මධ්‍යම රජයේ අදහස වී ඇත්තේ එල්.ටී.ටී.ඊ. ත්‍රස්තවාදයට එරෙහි තහනම තවදුරටත් තබා ගත යුතු බවයි.
තමිල්නාඩු ප්‍රාන්ත රජය සිය වපසරිය පුළුල් කර ගැනීම සඳහා කේරළ ප්‍රාන්තයෙන් කොටසක්, කර්ණාටක ප්‍රාන්තයෙන් කොටසක්, ආන්ද්‍රා ප්‍රාන්තයෙන් කොටසක් හා ශ්‍රී ලංකාවේ උතුරු නැගෙනහිර ප්‍රදේශවලින් කොටසක්ද අත්පත් කර ගැනීමේ වෑයමක නිරත වන බවත්, එල්.ටී.ටී.ඊ තහනම හමුවේ ඔවුන්ගේ එම උත්සාහය අඩාල වී ඇති බවත්, ඔවුන්ගේ අදහස වී තිබේ.
මේ අතර එකී තහනම දීර්ඝ කිරීමට එරෙහිව ඉන්දීය ප්‍රජාතන්ත්‍රවාදී සන්ධානයට සහය පළ කළ එම්.ඩී.එම්.කේ පක්ෂයේ නායක වයිකෝ ද ඉන් ඉවත් විය.
2009 වසරේදී ශ්‍රී ලංකා රජය ත්‍රස්තවාදය පරාජය කිරීමෙන් පසුවත් මේ දක්වා කාලය තුළ එල්.ටී.ටී.ඊය උතුරු නැගෙනහිර වෙනම නිජබිමක් සංකල්පය අතහැර දමා නැති බව පෙන්වාදෙන ඉන්දීය පුවත්සේවා එරට තුළ එල්.ටී.ටී.ඊ තහනම දීර්ඝ නොකළොත් එම සංවිධානයට සහය පළ කරන විදේශීය සංවිධාන ඉන්දියාව තුළ වර්ධනය වනු ඇති බව ද අවධාරණය කරයි.
එසේම 2012 වසරේදී ඉන්දියාව තුළ එල්.ටී.ටී.ඊ තහනම බලාත්මක කිරීමෙන් පසු සිද්ධීන් 5ක් ගැන පමණක් වාර්තා වී ඇති බවද ඉන්දීය මාධ්‍ය වාර්තාවල දැක්වෙයි.
Post a Comment