මෙරට සංචාරක ව්‍යාපාරයේ නිරත ප්‍රජාව අද (16) විපක්ෂනායක කාර්යාලයේදී රනිල් වික්‍රමසිංහ මහතා හමුවූ අවස්ථාවේදී ඔහු මේ බව කියා සිටියේය.
රාජපක්ෂ ආණ්ඩුව සංචාරකයින් ලක්ෂ 10ක් 15ක් ආවා යැයි කීවත් ලංකාවට මේවන විට වැඩි වශයෙන් එන්නේ අත මිට මුදල් වැඩි වශයෙන් ගැවසෙන සංචාරකයින් නොව දුප්පත් සංචාරකයින් පිරිසක් යැයි ද එහිදී ඔහු පෙන්වාදුන්නේය.
මේ නිසා අප දකින්නේ වතුර බෝතල් ඉල්ලන සංචාරකයින් පිරිසක් බවත්, අද වියට්නාමය හා ඉන්දියාව වැනි රටවල් සමග සංචාරක ව්‍යාපාරය තුළ ශ්‍රී ලංකාව පසුබෑමකට ලක්ව ඇති බවත්, ඔවුන් ඉදිරියට ගොස් ඇති බවත්. හෙතෙම පැවසීය.
ශ්‍රී ලංකාවේ ගුවන් තොටුපළ දෙකක් දැන් තිබුණත් ගුවන් යානා එන්නේ එක් ගුවන් තොටුපළකට පමණක් බවත්, පළමුව කළ යුත්තේ ශ්‍රී ලංකාව යනු කුමක්දැයි සංචාරකයින්ට පුළුල් අවබෝධයක් ලබාදීම බවත්, ඔහු කියා සිටියේය.
විශේෂයෙන් ශ්‍රී ලංකාවේ මධ්‍ය කඳුකරය ඇතුළුව සංචාරකයින්ට වැදගත් වන ස්ථාන ගැන හොඳ අවබෝධයක් ඔවුන්ට ලබාදීමේ අවශ්‍යතාවයද, සංචාරකයින්ට අවශ්‍ය විවිධ කෑම වර්ග සකස් කිරීමේ අවශ්‍යතාවයද වැදගත් වන බව විපක්ෂනායකවරයා එහිදී පෙන්වාදුන්නේය.
එම අවස්ථාවට එක්වූ එජාප මන්ත්‍රී හර්ෂ ද සිල්වා මහතා කියා සිටියේ ඉදිරි ජනාධිපතිවරණයේදී මැතිවරණයේ ජයග්‍රහණය ගැන කිසිදු සැකයක් නැති බවයි.
මෙරට සංචාරක ව්‍යාපාරය දියුණු කළ යුතු යන ස්ථාවරයේ විපක්ෂනායකවරයා දැඩිව සිටින බවද ඒ මහතා කියා සිටියේය.
Post a Comment