කොළඹ මහ නගර සභාවේ 2015 වසර සඳහා වන අයවැය වැඩි ඡන්ද 30කින් සම්මත වී තිබේ.
නගරාධිපති ඒ.ජේ.එම්.මුසම්මිල් මහතා විසින් ඉදිරිපත් කරන ලද අයවැය ලේඛනයට පක්ෂව ඡන්ද 31ක් ලැබී ඇත.
එක්සත් ජනතා නිදහස් සන්ධාන මන්ත්‍රී මහින්ද කහඳගම මහතා පමණක් අයවැයට විරුද්ධව ඡන්දය ප්‍රකාශ කර ඇති අතර මන්ත්‍රීවරුන් 12 දෙනෙකු ඡන්දය ප්‍රකාශ කිරීමෙන් වැළකී සිට තිබේ.
තවත් මන්ත්‍රීවරුන් 6 දෙනෙකු ඡන්දය විමසන අවස්ථාවේ සභා ගර්භයේ සිට නොමැති බව සඳහන්ය.
මන්ත්‍රීවරුන් 53 දෙනෙකුගෙන් සමන්විත කොළඹ මහ නගර සභාවේ අයවැය ඉදිරිපත් කළ ඊයේ දිනයේ තවත් මන්ත්‍රීවරුන් තිදෙනෙකු පැමිණ නොසිටි බව මහ නගර සභාවේ මාධ්‍ය ඒකකය සඳහන් කළේය.
Post a Comment