කිලිනොච්චිය, පච්චිලිපලෙයි ප්‍රාදේශීය සභාවේ සභාපති ඇතුළු මන්ත්‍රීවරුන් සිව් දෙනෙකු ජනාධිපති මහින්ද රාජපක්ෂ මහතාට සහය පළ කිරීමට තීරණය කර තිබේ.
අද වව්නියාව ප්‍ර දේශයේ පැවති මාධ්‍ය හමුවකට එක්වෙමින් පච්චිලිපලෙයි ප්‍රාදේශීය සභාවේ සභාපති ඩොමිනික් ඇන්ටන් මහතා මෙය ප්‍රකාශ කළ බව අද දෙරණ වාර්තාකරු පැවසුවේය.
ඔහු සමඟ දෙමළ ජාතික සන්ධානය නියෝජනය කරන ප්‍රා දේශීය සභාවේ උප සභාපති ආර්.රිෂිදාසන් , කේ.සිවරාජා සහ පී.කරන් යන මන්ත්‍රීවරුන් ජනාධිපති මහින්ද රාජපක්ෂ මහතාට සහය පළ කිරීමට තීරණය කර ඇති බව සඳහන්ය.
මේ හේතුවෙන් දෙමළ ජාතික සන්ධාන බලය යටතේ පැවති පච්චිලිපලෙයි ප්‍රාදේශීය සභාවේ බලය ඊ.පී.ඩී.පී සංවිධානයට හිමිවෙයි.
Post a Comment