පොදු අපේක්ෂක මෛත්‍රීපාල සිරිසේන මහතාට ඉදිරි ජනාධිපතිවරණයේදී සහයෝගය ලබාදීමට ගත් තීරණය තම ජීවිතයේ ගත්ත අමාරුම තීන්දුව බව නියෝජ්‍ය අමාත්‍ය ෆයිසර් මුස්තාපා මහතා පවසයි.
අද(31) කොළඹ පැවති මාධ්‍ය හමුවකට එක්වෙමින් ඒ මහතා මේ බව සඳහන් කර සිටියේය.
එසේම මෛත්‍රීපාල සිරිසේන මහතා ඉදිරි ජනාධිපතිවරණයේදී පොදු අපේක්ෂකයා ලෙස ඉදිරිපත්වන බව දැනගත් දින‍යේ සිට ඒ මහතාට සහයෝගය ලබාදීමට තමා කැමැත්තෙන් පසු වු බවද මුස්තාපා මහතා එහිදී සඳහන් කළේය.
තවද මෙරටේ සහජීවනය ගැන සිතා පොදු අපේක්ෂක මෛත්‍රීපාල සිරිසේන මහතාට සහයෝගය පළ කරන බවත්, මේ වෙලාවේ යුග පුරුෂයා මෛත්‍රීපාල සිරිසේන මහතා බවත් ඒ මහතා පෙන්වා දුන්නේය.
තමා අවුරුදු 9ක කාලයක් තිස්සේ ආණ්ඩුවේ සිටි බවත්, ඒ හේතුවෙන් ආණ්ඩුව විවේචනය නොකරන බවත්, එම අවස්ථාවේදී හෙතෙම කියා සිටියේය.
එම මාධ්‍ය හමුවේදී මාධ්‍යවේදියෙක් විසින් නෑගූ ප්‍රශ්නයකට පිළිතුරු දෙමින් ඒ මහතා කියා සිටියේ අන්තවාදය ඇති තැන තමා නොසිටින බවයි.
Post a Comment