පවතින අයහපත් කාලගුණ තත්ත්වය හේතුවෙන් හානි වු වගාවන් සඳහා වන්දි ලබාදීමේ කටයුතු කඩිනමින් ආරම්භ කරන බව කෘෂිකර්ම අමාත්‍යාංශය පවසයි.
මෙවර කන්නයේ වගා කටයුතු සාර්ථකව සිදුවුව ද අධික වර්ෂාව හේතුවෙන් අස්වැන්න විනාශ වී යාමේ අවදානමක් පවතින බව වාර්තා වේ.
මේ හේතුවෙන් හානි වු වගාවන් සඳහා වන්දි ලබාදීමටත්, ඊළඟ කන්නය සඳහා ගොවීන්ට අවශ්‍ය සහනාධාර ලබාදීමටත් කෘෂිකර්ම අමාත්‍යාංශය තීරණය කර ඇත.
විශේෂයෙන් බිත්තර වී නොමිලේ ලබාදීමට සහ අනෙකුත් බීජ රජයේ සහනාධාර ක්‍රමය යටතේ ගොවීන් වෙත ලබාදීමට තීරණය කර ඇති බව කෘෂිකර්ම අමාත්‍යාංශය පැවසුවේය.
Post a Comment