අද(16) යාපනය කච්චේරිය තුළ පැවති රැස්වීමේදී මෙම ගැටුම ඇතිවූ බවත්, තවත් පළාත් මන්ත්‍රීවරයෙකු වන තංගයියා සර්වේස්වරන් ද එයින් තුවාල ලැබූ බවත් ද්‍රවිඩ ජාතික සන්ධානයේ පාර්ලිමේන්තු මන්ත්‍රී එස්.ශ්‍රීධරන් මහතා අද දෙරණට කියා සිටියේය.
මෙම රැස්වීමේදී ප්‍රධාන අමාත්‍ය සී.වී විග්නේශ්වරන් මහතා විසින් මධ්‍යම ආණ්ඩුව විවේචනය කළ බවත්, අමාත්‍ය ඩග්ලස් දේවානන්ද මහතා පළාත් ආණ්ඩුව විවේචනය කළ බවත්, එවිට පළාත් සභාවේ මන්ත්‍රීවරුන් විසින් මෙම අවස්ථාව දිස්ත්‍රීක් සංවර්ධන කමිටුවට අදාළ දේ පමණක් සාකච්ඡාවට ගත යුතු තැනක් බව පෙන්වාදුන් බවත් අද දෙරණ වාර්තාකරු පවසයි.
මේ අතර පළාත් සභාවේ අයවැය යෝජනා පිළිබඳ උතුරු පළාත් විපක්ෂ නායකවරයා විසින් කරුණු දක්වද්දී පක්ෂ විපක්ෂ පළාත් සභා මන්ත්‍රීවරුන් හා ප්‍රාදේශීය/නාගරික මන්ත්‍රීවරුන්ද එකිනෙකාට චෝදනා කර ගැනීම නිසා නොසන්සුන්තාවක් හටගත් බවත්, පසුව එය ගැටුමක් දක්වා වර්ධනය වූ බවත් අප වාර්තාකරු කියා සිටියි.
කෙසේ වෙතත් මෙම ගැටුමෙන් මේවන විට පළාත් කෘෂිකර්මාන්ත අමාත්‍යවරයා හා මන්ත්‍රීවරයෙකු තුවාල ලබා ඇති අතර සිදුවීමෙන් පසු ද්‍රවිඩ ජාතික සන්ධානයේ මැති ඇමතිවරුන් රැස්වීමෙන් නැගිට පිටතට පැමිණ තිබේ.
Post a Comment