වව්නියාව දිස්ත්‍රික්කයට පවතින අයහපත් කාලගුණික තත්ත්වය හේතුවෙන් පවුල් 703කට අයත් පුද්ගලයින් 2440 දෙනෙකු පීඩාවට පත්ව තිබේ.
දිස්ත්‍රික් ආපදා කළමනාකරණ මධ්‍යස්ථානයේ සහකාර අධ්‍යක්ෂ ටී. එන් සූරියරාජ් මහතා සඳහන් කළේ වව්නියාව ප්‍රාදේශිය ලේකම් කොට්ඨාසය තුළ පමණක් පුද්ගලයින් 2258 දෙනෙකු පීඩාවට පත්ව සිටින බවයි.
පීඩාවට පත්වූවන් තාවකාලික කදවුරු 04 ක නතර කර ඇති බව ඔහු පැවසීය.
සමන්කුලම විද්‍යාලය, වව්නියාව හුදියවේල සින්නකුලම විද්‍යාලය, විලච්කුච්චිකුලම ග්‍රාම සංවර්ධන ගොඩනැගිල්ල හා වව්නියාව පූන්තෝට්ටම් විද්‍යාලය තුළ මෙම කඳවුරු ස්ථාපිත කර ඇති බව ටී.එන් සූරියරාජ් මහතා පැවසුවේය.
වව්නියාව දිස්ත්‍රික් ලේකම්වරයාගේ උපදෙස් පරිදි ඔවුන්ට අවශ්‍ය සහන සැලසීමේ කටයුතු සිදුකරන බව ඔහු වැඩිදුරටත් සඳහන් කළේය.
Post a Comment