ඊයේ දිනයේ කැනේඩියානු පාර්ලිමේන්තුවේ දී හිටපු එල්. ටී. ටී. ඊ නායක වේලුපිල්ලේ ප්‍රභාකරන් ඇතුළු මියගිය එල්. ටී. ටී. ඊ සාමාජිකයින් සිහිකර රාධිකා සිට්සබේසන් විසින් විශේෂ ප්‍රකාශයක් සිදුකර ඇත.
අදාළ ප්‍රකාශය පිළිබඳ විරෝධය පළ කර ඇති කැනේඩියානු මහජන ආරක්ෂාව පිළිබඳ අමාත්‍ය ස්ටීවන් බ්ලැනි ප්‍රකාශ කර ඇත්තේ මෙවැනි ප්‍රකාශයක් පාර්ලිමේන්තුවේ දී සිදු කිරීම පිළිබඳ තමා විමතියට පත්වූ බවයි.
ඒ පිළිබඳ සියලුම කැනේඩියානු ජාතිකයින්ගෙන් සමාව ගන්නා ලෙස කැනේඩියානු මහජන ආරක්ෂාව පිළිබඳ අමාත්‍යවරයා රාධිකා සිට්සබේසන් මන්ත්‍රීවරියට දැනුම් දී ඇත.
රාධිකා සිට්සබේසන් කැනේඩියානු පාර්ලිමේන්තුව නියෝජනය කරන ශ්‍රී ලාංකික සම්භවයක් ඇති මන්ත්‍රීවරියකි.
මේ අතර මියගිය එල්. ටී. ටී. ඊ සාමාජිකයින් සිහි කරමින් යාපනය විශ්ව විද්‍යාලය තුළ සැමරුම් වැඩසටහනක් පැවැත්වීමට ගෙන තිබු උත්සහයක් පිළීබඳවද වාර්තා වේ.
මේ හේතුව මත පසුගිය 26 වැනිදා සිට දෙසැම්බර් මස පළමුවැනි දින දක්වා යාපනය විශ්ව විද්‍යාලය තාවකාලිකව වසා දැමීමට විශ්ව විද්‍යාල පාලනාධිකාරිය පියවර ගෙන ඇති බවද වාර්තා විය.
Post a Comment