ඉදිරි ජනාධිපතිවරණයට අදාළව මේ වන විට පැමිණිලි 17ක් ලැබී ඇති බව මැතිවරණ මහලේකම් කාර්යාලය පවසයි.
එම පැමිණිලි අතර මැතිවරණ ප්‍රචණ්ඩක්‍රියා සම්බන්ධයෙන් පැමිණිලි 03ක් සහ මැතිවරණ නීති උල්ලංඝණය කිරීම් සම්බන්ධ පැමිණිලි 14ක් වන බව වාර්තා වෙයි.
මැතිවරණ නීති උල්ලංඝණය කිරීම් අතර රාජ්‍ය දේපළ අයථා පරිහරණය, රාජ්‍ය නිලධාරීන්ට ස්ථාන මාරුවීම් සහ උසස් වීම් ලබාදීම, ආධාර බෙදාදීම් ඇතුළු පැමිණිලි වන බව මැතිවරණ මහලේකම් කාර්යාලය සඳහන් කළේය.
කොළඹ, මහනුවර සහ හම්බන්තොට යන දිස්ත්‍රික්කවලින් පැමිණිලි දෙක බැගින් ද පොදු පැමිණිලි 9ක් ද ලැබී තිබේ.
මේ අතර ජනාධිපතිවරණයට අදාළ තැපැල් ඡන්ද අයදුම් කිරීම මේ දිනවල සිදුවන අතර දෙසැම්බර් මස හතර වන දිනෙන් එම කටයුතු අවසන් වීමට නියමිතය.
නාමයෝජනා බාරගැනීම දෙසැම්බර් මස 8 වන දින සිදුකරන අතර ඡන්ද විමසීම ලබන වසරේ ජනවාරි මස අට වන දින පැවැත්වීමට සැලසුම් කර තිබේ.
Post a Comment