දැදුරුඔය පිටාර ගැලීම හේතුවෙන් එහි වාන් දොරටු කිහිපයක් විවෘත කර ඇති බව ආපදා කළමනාකරණ මධ්‍යස්ථානය පවසයි.
මේ හේතුවෙන් බිංගිරිය, හලාවත, වාරියපොල සහ නිකවැරටිය යන ප්‍රදේශ වල ජනතාවට ඒ පිළිබඳ අවධානයෙන් සිටින ලෙස ආපදා කළමනාකරන මධ්‍යස්ථානය ඉල්ලීමක් කරයි.
මේ අතර දිවයිනේ දිස්ත්‍රික් කිහිපයක තවදුරටත් නායයෑමේ අවදානම පවතින බව ජාතික ගොඩැනිගිලි පර්යේෂණ ආයතනය පවසයි.
මහනුවර, මාතලේ, නුවරඑළිය, බදුල්ල, කෑගල්ල , රත්නපුර, කළුතර, ගාල්ල, මාතර සහ හම්බන්තොට යන දිස්ත්‍රික්ක වලට අදාළව එම අනතුරු ඇඟවීමේ නිවේදනය නිකුත් කර තිබේ.
ආපදා කළමනාකරණ මධ්‍යස්ථානයේ සහකාර අධ්‍යක්ෂ ප්‍රදීප් කොඩිප්පිලි මහතා සඳහන් කළේ නුවරඑළිය දිස්ත්‍රික්කයේ නායයෑමේ අවදානමක් සහිත ප්‍රදේශ වලින් තවත් පවුල් රැසක් ආරක්ෂිත ස්ථාන වෙත යොමු කර ඇති බවයි.
.jpg)
Post a Comment