කුරුණෑගල - පුත්තලම මාර්ගයේ මාස්පොත දී සිදුවු රිය අනතුරකින් පුද්ගලයින් දෙදෙනෙකු මියගොස් තවත් අයෙකු තුවාල ලබා තිබේ.
ඊයේ රාත්‍රී 07.40ට පමණ කුරුණෑගල දෙසට ධාවනය වූ වෑන් රථයක් ප්‍රතිවිරුද්ධ දෙසින් පැමිණි යතුරුපැදියක මුහුණට මුහුණ ගැටීමෙන් අනතුර සිදුව ඇත.
අනතුරෙන් යතුරුපැදිකරු ඇතුළු තිදෙනෙකු තුවාල ලබා කුරුණෑගල රෝහලට ඇතුළත් කිරීමේ දී පැදිකරු සහ කාන්තාවක් මියගොස් ඇති බව පොලිසිය පැවසුවේය.
මියගොස් ඇත්තේ 32 හැවිරිදි වාරියපොල , රත්මලේ ප්‍රදේශයේ පදිංචිව සිටි පිරිමි පුද්ගලයෙක් සහ 39 හැවිරිදි නාත්තන්ඩිය සාහරගම ප්‍රදේශයේ පදිංචිව සිටි කාන්තාවකි.
අනතුරෙන් තුවාල ලැබු 18 හැවිරිදි තරුණයෙකු කුරූණෑගල රෝහලේ ප්‍රතිකාර ලබයි.
මේ අතර හිඟුරක්ගොඩ - වෙහෙරගල අතුරුමාර්ගයකදී ට්‍රැක්ටර් රථයක් ඇළකට පෙරළී සිදුවු අනතුරකින් 25 හැවිරිදි තරුණයෙකු මියගොස් ඇත.
ඊයේ පස්වරු 05.20ට අදාළ ට්‍රැක්ටර් රථය ඇළකට පෙරළී මෙම අනතුර වී ඇති බව පොලිසිය පැවසුවේය.
Post a Comment