රුක්මල් සුරවීර හේරත් නැමැති අදාළ පුද්ගලයා ව්‍යාජ අත්සන් යොදා ලිපි ලේඛන සකස්කර බැංකුවේ සමිතියට අයත් රුපියල් එක් කෝටි පන් ලක්ෂ 25,000 ක පමණ මුදලක් වංචා කර ඇති බව සඳහන් වෙයි.
මේ සම්බන්ධයෙන් බදුල්ල විවිධ සේවා සමූපකාර සමිතියේ සමාන්‍යාධිකාරිවරයා විසින් සිදු කරන ලද පැමිණිල්ලකට අනුව අපරාධ පරීක්ෂණ දෙපාර්තමේන්තුව විසින් විමර්ශන ආරම්භ කළ බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි අජිත් රෝහණ මහතා පැවසුවේය.
විමර්ශනයට අනුව 2004 වසරේ සිට 2011 වසර දක්වා අදාළ පුද්ගලයා මෙම වංචාව සිදුකර ඇති බව අනාවරණය වී තිබේ.
සැකකරු අපරාධ පරික්ෂණ දෙපාර්තමේන්තුව විසින් අත්අඩංගුවට ගෙන ඇති අතර බදුල්ල මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව ලබන 31 වන දා දක්වා රක්ෂිත බන්ධනාගාර ගත කර ඇති බව පොලිස් මාධ්‍ය ප්‍රකාශකවරයා පැවසුවේය.
සිද්ධිය සම්බන්ධයෙන් අපරාධ පරික්ෂණ දෙපාර්තමේන්තුව වැඩිදුර විමර්ශන සිදුකරයි.
Post a Comment