අද පැවැත්වීමට තීරණය කර තිබු නැගෙනහිර පළාත් සෞඛ්‍ය හෙද වර්ජනය අවලංගු කළ බව රජයේ හෙද නිලධාරීන්ගේ සංගමය පවසයි.
එම සංගමයේ සභාපති සමන් රත්නප්‍රි මහතා කියා සිටියේ නැගෙනහිර පළාත් බලධාරීන් සමඟ පැවති සාකච්ජා සාර්ථකවීම හේතුවෙන් වර්ජනය අවලංගු කළ බවයි.
දීර්ඝ කාලයක් තිස්සේ ඉල්ලීම් කළද විසඳුම් නොලැබුණු ගැටළු කිහිපයක් හේතුවෙන් අද දිනයේ මඩකළපුව හා ත්‍රීකුණාමලය දිස්ත්‍රීක්කවල සංකේත වැඩවර්ජනයක් දියත් කරන බව හෙද සංගමය විසින් මීට පෙරාතුව නිවේදනය කර තිබුණි.
කෙසේ වෙතත් ඊයේ පස්වරුවේ පැවති සාකච්ඡා වලින් පසුව දෙපාර්ශවය අතර ඇතිවූ යම් එකඟතාවයන් මත වර්ජනය අවලංගු කිරීමට පියවර ගත් බව රත්නප්‍රිය මහතා සඳහන් කළේය.
Post a Comment