උඩරට දුම්රිය මාර්ගයේ දුම්රිය ගමනාගමනයට බාධා එල්ලවී තිබේ.
දුම්රිය පාලක මැදිරිය ප්‍රකාශ කළේ කොළම සිට බදුල්ල දක්වා ගමන්ගන්නා දුම්රිය බණ්ඩාරවෙල දක්වා සීමා කර ඇති බවයි.
බදුල්ල සිට කොටුව බලා ධාවනයවීමට නියමිත දුම්රිය බණ්ඩාරවෙල සිට ආරම්භ කෙරෙන බව දුම්රිය පාලක මැදිරිය කියා සිටියේය.
ඊයේ රාත්‍රී ඇල්ල දෙමෝදර අතර ප්‍රදේශයේ ගමන්කරමින් තිබු දුම්රියක එංජිමක් මතට පස්කන්දක් කඩාවැටී ඇති බව දිස්ත්‍රික් ආපදා කළමනාකරණ මධ්‍යස්ථානයේ සම්බන්ධීකාරක එම්.එල්.උදයකුමාර මහතා සඳහන් කළේය.
එහි පස් ඉවත් කර දුම්රිය ධාවනය යථා තත්ත්වය පත් කිරීමේ කටයුතු පොලිසිය සහ යුදහමුදා සහය ඇති ව සිදුකෙරෙන බව එම්.එල්.උදයකුමාර මහතා වැඩිදුරටත් කීවේය.
Post a Comment