+94112328109 යන ෆැක්ස් අංකය සහ modclearance@yahoo.com යන විද්‍යුත් ලිපිනයට එම අයදුම්පත් යොමු කළ හැකි බව රජයේ ප්‍රවෘත්ති දෙපාර්තමේන්තුව නිවේදනය කළේය.
යාපනය, කිළිනොච්චිය, මුලතිව් දිස්ත්‍රික්ක මන්නාරම දිස්ත්‍රික්කයේ වෙඩිතලතිවු ප්‍රදේශයෙන් උතුරට වු ප්‍රදේශය සහ වව්නියාව දිස්ත්‍රික්කයේ ඕමන්තෙයි වලින් උතුරට වු ප්‍රදේශ කරා ගමන් කරන විදේශිකයන්ට පූර්ව අනුමැතියක් ලබා ගත යුතුය.
අයදුම්පත්‍රයට සම්පූර්ණ නම, විදේශ ගමන් බලපත්‍ර අංකය, සංචාරයේ ආරම්භක දිනය සහ යළි පැමීණීමට නියමිත දිනය, සංචාරයට හේතුව සහ ගමන් ගන්නේ පුද්ගලික වාහනයකින්ද නැතහොත් වෙනත් ක්‍රමයකින්ද යන්න ඇතුළත් කළ යුතු බව රජයේ ප්‍රවෘත්ති දෙපාර්තමේන්තුව පවසයි.
පුද්ගලික වාහනයකින් ගමන් කරන්නේ නම් එහි ලියාපදිංචි අංකය, රියදුරුගේ නම ඇතුළු තොරතුරු ඉදිරිපත් කළ යුතුය.
අදාළ ප්‍රදේශවල මේ වන විට ක්‍රියාත්මක ව්‍යපෘතියකට හෝ ආයෝජන කටයුත්තකට පිටත්ව යන්නේ නම් අදාළ නියෝජිත ආයතන හරහා එම අයදුම්පත් යොමු කළ යුතු බව රජයේ ප්‍රවෘත්ති දෙපාර්තමේන්තුව පවසයි.
මේ සම්බන්ධයෙන් වැඩිදුර තොරතුරු ආරක්ෂක අමාත්‍යංශයේ www.defence.lk නිල වෙබ් අඩවියට පිවිසීමෙන් ලබාගත හැකිය.
Post a Comment