ඒ 2011 වසරේ සිට තමිල්නාඩුවේ මුදල් අමාත්‍යවරයා ලෙස කටයුතු කළ ඕ. පන්නීර් සෙල්වම් මහතායි.
ද්‍රවිඩ මුන්නේත‍්‍ර කලහම් පක්ෂයේ සාමාජිකයින් අද සිදුකළ විශේෂ සාකච්ඡාවකින් අනතුරුව මෙසේ නව මහඇමතිවරයා ලෙස ඕ. පන්නීර් මහතා පත් කර ඇති බව විදේශ වාර්තා පෙන්වා දෙයි.
එසේම ඔහු මීට පෙර තමිල්නාඩුවේ ප‍්‍රධාන අමාත්‍යවරයෙකු ලෙස ද කටයුතු කළ අයෙකු බවද වාර්තා වෙයි..
මෙලෙස තමිල්නාඩුවට නව මහඇමතිවරයෙකු පත්කරනු ලැබුවේ හිටපු මහඇමතිනි ජයලලිතා ජයරාම් මෙනෙවියට බැංගලෝර් අධිකරණය විසින් ඊයේ(27) සිව් වසරක සිරදඬුවමක් නියම කරනු ලැබීම හේතුවෙනි.
1991 වසරේ තමිල්නාඩු මහඇමති ධූරයට පත්වීමෙන් පසු වසර 05ක් ඇතුළත ඉන්දීය රුපියල් කෝටි 03 සිට 66 දක්වා වත්කම් වැඩි කර ගැනීම සම්බන්ධයෙන් ජයලලිතා ජයරාම් මහත්මියට චෝදනා එල්ල වී තිබුණි.
අදාළ චෝදනාවලට වැරදිකරු වු ජයලලිතා ජයරාම්ට සිරදඬුවමට අමතරව නියම කළ දඩ මුදල ඉන්දීය රුපියල් කෝටියක් වෙයි.
මේ අතර තමන්ට පැනවූ සිරදඬුවමට එරෙහිව ජයලලිතා ජයරාම් හෙට දිනයේදී මහාධිකරණය හමුවේ ඇපෑලක් ගොනු කිරීමට සූදානම් බවද ඉන්දීය මාධ්‍ය අද වාර්තා කළේය.
Post a Comment