සේවය අවසන් කර නිවස බලා යමින් සිටි පොලිස් නිලධාරියෙකු හදිසියේම රෝගී තත්ත්වයට පත්වී රෝහල් ගත කිරීමෙන් පසුව මිය ගොස් ඇත.
මිය ගොස් ඇත්තේ මාදම්පේ පොලීසියට අනියුක්තව සේවය කළ පොලිස් කොස්තාපල් 63891 දුණුසිංහ මුදියන්සේලාගේ ජගත් බණ්ඩාර (අවු:51) නම්වූ අයෙකි.
ඔහු උඩුබද්දාව - හේනේගෙදර පදිංචිව සිටි අයෙකු බව අද දෙරණ වාර්තාකරු පවසයි.
මිය ගොස් ඇති පොලිස් නිලධාරියා තම සේවා කටයුතු අවසන් කර නිවස බලා යමින් සිටින අතරතුර හදිසියේම රෝගීතත්ත්වයට පත්වීමෙන් ඊයේ (28)රාත්‍රී 8.00 ට පමණ මාදම්පේ ප්‍රාදේශීය රෝහලට ඇතුළත්කර ඇත.
එලෙස රෝහල් ගත කර සුළු වේලාවකින් ඔහු මිය ගොස් ඇත.
මිය ගොස් ඇති පොලිස් නිලධාරියා මොළයට ලේ ගමන් කරන නාලයක ලේ කැටයක් සිරවී රුධිර ගමනා ගමනයට බාධා ඇතිවීම සම්බන්ධයෙන් මීට පෙර කොළඹ ජාතික රෝහලෙන් ප්‍රතිකාර ලබා ගෙන ඇති අයෙකි.
පශ්චාත් මරණ පරීක්ෂණය පැවැත්වීමට නියමිතව ඇත.
Post a Comment