මෙරට ගුවන් හමුදාවට තාක්ෂණික පුහුණුව සහ වෘත්තීය ප්‍රවිණතාව ලබාදීම සඳහා සහය දෙන බව පකිස්ථාන් ගුවන් හමුදාපති එයාර් චීෆ් මාර්ෂල් තහීර් රෆීක් බට් මහතා පවසයි.
මෙරට සංචාරයක නිරතව සිටින පකිස්ථාන් ගුවන් හමුදාපතිවරයා ඊයේ ආරක්ෂක හා නාගරික සංවර්ධන අමාත්‍යංශ ලේකම් ගෝඨාභය රාජපක්ෂ මහතා සමඟ සාකච්ඡාවක නිරත විය.
එහිදී දෙපාර්ශවය අතර ආරක්ෂක සහයෝගිතාවය සම්බන්ධයෙන් කරුණු රැසක් සාකච්ඡාවට බදුන් වු බව වාර්තා වෙයි.
පකිස්ථාන් ගුවන් හමුදාපති එයාර් චීෆ් මාර්ෂල් තහීර් රෆීක් බට් මහතා යුද හමුදාපති ලුතිනන් ජෙනරාල් දයා රත්නායක, නාවික හමුදාපති වයිස් අද්මිරාල් ජයන්ත පෙරේරා සහ ගුවන් හමුදාපති එයාර් මාර්ෂල් කෝලිත ගුණතිලක යන මහත්වරුන්ද ඊයේ හමු වී සාකච්ඡාවල නිරත විය.
.jpg)
Post a Comment