පොදු රාජ්‍ය මණ්ඩලීය රාජ්‍ය නායක සමුළුව වර්ජනය කරන ලෙසට බල කරමින් ඉන්දිය රජයට එරෙහිව ගෙන යන සටනට ස්තුති කරමින් දෙමළ ඩයස් පෝරාව තමිල්නාඩු මහඇමැති ජයලලිතා ජයරම්ට ලිපියක් යොමු කර තිබෙනවා.
කෙසේ හෝ ශ‍්‍රී ලංකාවේ පැවැත්වෙන රාජ්‍ය නායක සමුළුවට ඉන්දීය රාජ්‍ය නායකයන් සහභාගී වීම නතර වීම තම එකම අරමුණ බවද දෙමළ ඩයස්පොර්ව එම ලිපිය මඟින් දන්වා තිබේ. එම අරගලය වෙනුවෙන් ජයලලිතා ජයරම් ගන්නා ක‍්‍රියාමාර්ග එම ලිපිය මඟින් පැසසුමට ලක් කර තිබේ. සමුළුව ලංකාවේ පැවැත්වීම තුළින් රට තුළ මානව හිමිකම් සුරැකෙන බවට ලෝකය හමුවේ තහවුරු වීම වැලැක්වීම තම අරමුණ බව ද එම ලිපිය මඟින් දන්වා තිබේ.
මේ අතර උතුරු පළාත් මහ ඇමැති සී.විග්නේෂ්වරම් මහතා ඉන්දීය අග‍්‍රාමාත්‍ය මන් මෝහන් සිං හට ලිපියක් යවමින් පොදු රාජ්‍ය මණ්ඩලීය රාජ්‍ය නායක සමුළුවට අනිවාර්යෙන්ම සහභාගී වන ලෙස ඉල්ලා තිබේ. මීට පෙර විග්නේෂ්වරම් මහතා සමුළුව සම්බන්ධයෙන් දැරු ස්ථාවරය මේ හරහා වෙනස් කර තිබේ. උතුරේ මැතිවරණය පැවැත්වීමට ඉන්දීය රජය ලබා දුන් සහයෝගය ද මෙම ලිපිය මඟින් අගය කොට ඇති අතර යාපනය සහ මධ්‍යම රජය අතර සබඳතාවය වර්ධනය කර ගැනීම සඳහා ඉන්දිය රජයේ සහයෝගය තවදුරටත් ඔහු ඉල්ලා තිබේ.
උතුරු පලාත් මහ ඇමැති සී.විග්නේෂ්වරම් මහතා ඉන්දිය අගමැතිවරයාට අවධාරණය කර ඇත්තේ දකුණු ඉන්දියානු දේශපාලඥයාන්ගේ පරස්පර කතා කිසිවිටකත් ගණන් නොගන්නා ලෙයසි.
Post a Comment