අධිරාජ්‍යවාධින්ගෙන් නිදහස ලැබූ බොහෝ රටවල් හා ලෝකයේ දියුණු ජාතින් රවල් අතර සංසන්ධය කිරීමේදී රටක් වශයෙන් ජාතියක් වශයෙන් ලංකාව විශාල පසුගාමී බවක් ප්‍රදර්ශනය කර තිබෙන බව යෞවන කටයුතු නිපුණතා අමාත්‍ය ඩලස් අලහප්පෙරුම මහතා පවසයි.
අද (30) පෙරවරුවේ අධ්‍යාපන අමාත්‍යංශයේ පැවති ජාතික වෘත්තීය සුදුසුකම් ක්‍රමවේදය (NVQ) සමාරම්භක උළෙල අමතමින් අමාත්‍යවරයා කියා සිටියේ රටක වශයෙන් පසුගාමී වීමට හේතු ඉදිරිපත් කිරීමට කොතරම් සිටියත් අප පසුගාමී වී ඇති බව ප්‍රථමයෙන් පිළිගත යුතු බවයි.
එහිදී අදහස් දැක්වූ අමාත්‍ය ඩලස් අලහප්පෙරුම මහතා....
ලෝකයේ රටක දියුණුව මණින දර්ශක අපේ රටට ගැලපීමේදී අපේ ප්‍රධාන දර්ශක සියල්ලම තියෙන්නේ ඉහළ ස්ථානයක. සාක්ෂරතාවය ,විරැකියාව,ළදරු මරණ අනුපාතය යන මේ සියල්ලගෙන්ම අපි රටක් වශයෙන් ඉන්නේ ඉහල කලාපයක. නමුත් අවාසනාවකට ආර්ථික දර්ශක වලින් අපට ඉහල කලාපයකට ඇතුලත් වෙන්න හැකියාවක් ලැබුනේ නෑ. අපි ඉන්නේ පහල ස්ථානයක. නමුත් තාර්කිකව පිළිගන්න බෑ අපි පහල ස්තානයක සිටින බව.
ඒ වගේම අපි හොද හීනයක් දකිනවා. බන්දුල ගුණවර්ධන අමාත්‍යවරයාත් මමත් හීන දකිනවා. අපිට හීන පේනවා. හීන පේන්නේ නැති අය ඒකට හිනා වෙනවා. ඒත් අපි කියන්නේ හිනා පේන්න නම් නිදා ගන්න ඕනේ කියලා. නින්ද යන්නේ නෑ කියන්නේ ඒක ලෙඩක්. නමුත් අප හොද හීනයක් අද දකිනවා. ඒ හීනේ කොටස් කරුවන් ලෙස අද මෙම ජාතික වෘත්තීය සුදුසුකම් ක්‍රමවේදයට සහභාගී වූ ගුරු මහතුන් හා මහත්මියන් අයත් වෙනවා. ඒ වගේම අනාගතවාදී තින්දුවක ප්‍රධාන මෙහෙයුම්කරුවන් ,කොටස් කරුවන් ලෙස මේ ආයෝජනයට එකතු එය ඔබේ ආයෝජනයක් බවට පත් කර ගත යුතු බව අමාත්‍යවරයා වැඩි දුරටත් මෙහිදී පැවසීය.
.jpg)
Post a Comment