ආබාධිත රණවිරුවන් විශ්‍රාම ගිය පසුද ඔවුන්ට ආබාධිත දීමනාවක් ගෙවීමට කටයුතු කරන බව රාජ්‍ය ආරක්ෂක රාජ්‍ය අමාත්‍ය රුවන් විජේවර්ධන මහතා පවසයි.
වර්තමානයේ සෙබලුන් විශ්‍රාම ගිය පසු ආබාධිත දීමනාව අත්හිටුවනු ලබන අතර ඔවුන්ගේ තනතුරුවලට හිමි විශ්‍රාම වැටුප පමණක් හිමිවෙයි.
මේ හේතුවෙන් විශ්‍රාම ගිය පසු ආබාධිත සෙබලුන් මුහුණ දෙන ගැටලු සලකා බලා මෙම තීරණය ගත් බව රුවන් විජේවර්ධන මහතා පවසයි.
වතුපිටිවල ආබාධිත සෙබළ ගම්මානයේ ආබාධිත සෙබලුන් සමග සිදුකළ සාකච්ඡාවකින් අනතුරුව අමාත්‍යවරයා මේ බව පවසා තිබේ.
අදාළ යෝජනාව මේ වන විට සකස් කර අවසන්ව ඇති බවත්, ඊට ජනාධිපතිවරයාගේ අනුමැතිය ලබාගත් පසු කැබිනට් මණ්ඩලයට ඉදිරිපත් කිරීමට කටයුතු කරන බවත් ආරක්ෂක රාජ්‍ය අමාත්‍ය රුවන් විජේවර්ධන මහතා පවසා ඇත.
Post a Comment