නව වැටුප් වැඩිවීම ලබානොදීම හේතුවෙන් හෙට (පෙබ 27) පෙ.ව. 9.00 සිට ප.ව. 1.00 දක්වා පැය 4 ක වැඩර්ජනයක් දියත් කරන බව ජලසම්පාදන වෘත්තීය සමිති ඒකාබද්ධ සන්ධානය පවසයි.
ජල සම්පාදන සේවකයින්ගේ 2015 ජනවාරි මාසයට ලබාදිය යුතුව තිබූ නව වැටුප් වැඩිවීම ජනවාරි මාසයේදී නොලැබුණු බවත්,පෙබරවාරි මාසයේදීද එය නොලැබුණු බවත් එම සන්ධානයේ සම කැඳවුම්කරු ඉංජිනේරු උපාලි රත්නායක මහතා කියා සිටියි.
ඔහු‍ගේ අත්සනින් යුතුව නිකුත් කළ නිවේදනයක මෙසේද සඳහන්ය.
2015 ට නියමිත නව වැටුප් වැඩිවීම මෙතෙක් ජල සම්පාදන මණ්ඩලයේ බස්නාහිර (උතුර),බස්නාහිර (දකුණ), බස්නාහිර (මධ්‍යම) යන මුළු බස්නාහිර පළාතටම අදාල සියළු කාර්යාල සහ වැඩබිම්වල සියළු සේවකයින් පෙ.ව. 9.00 සිට ප.ව.1.00 දක්වා පැය 4 ක කාලයක් රාජකාරීවලින් බැහැරව සිටීමේ වෘත්තීය සමිති ක‍්‍රියාමාර්ගයකට එළඹ ඇත.
එසේ රාජකාරීවලින් බැහැරවන සේවකයින් රත්මලාන- ගොළුමඩම ප‍්‍රධාන කාර්යාලය ඉදිරිපිටට රැස්ව විරෝධතාව පළකර සිටින අතර පෙ.ව. 11.00 ට දැවැන්ත උද්ඝෝෂණයක් පැවැත්වීමට කටයුතු යොදා ඇත.
මෙම වෘත්තීය ක‍්‍රියාමාර්ගයේදීද ජනතාවට සිදුවන අපහසුතාවයන් සලකා භෝජනාගාරවල සහ ජල පිරිපහදුවල සේවා මුර සේවකයින් පමණක් රාජකාරියේ යෙදෙන අතර සියළු කාර්යාල කටයුතු පාරිභෝගික සේවා කටයුතු එනම් මනු සටහන් ලබාගැනීම්, බිල්පත් නිකුත් කිරීම්, බිල්පත් අයකිරීම් පාරිභෝගික පැමිණිලි පරීක්‍ෂා කිරීම් සහ දෛනික නඩත්තු කටයුතු සිදු නොවනු ඇත.
.jpg)
Post a Comment