තමන් පදිංචිව සිටින ඉඩමෙන් ඉවත්කිරීම වලක්වන ලෙස බලධාරීන්ගෙන් ඉල්ලමින් අනුරාධපුර බස් නැවතුම්පොළ ඉදිරිපිට ඇති ඔරලෝසු කණුව මත නැග පුද්ගලයෙකු සත්‍යග්‍රහයක් ආරම්භ කර තිබේ.
අද(07) උදෑසන සිට අදාළ පුද්ගලයා සත්‍යග්‍රහයේ නිරත වන බව අද දෙරණ වාර්තාකරු පැවසුවේය.
මහබුලංකුලම ප්‍රදේශයේ පදිංචි 35 හැවිරිදි එම පුද්ගලයාගේ බිරිඳද ඔවුන්ගේ දරුවා සමඟ ඔරලෝසු කණුව පාමුල රැඳී සිටින බව සඳහන්ය.
මහබුලංකුලම වැවේ ගොඩ සොරොව්ව අසළ පදිංචිව සිටින තමන් එම ස්ථානයෙන් ඉවත් කිරීමට වනජීවී දෙපාර්තමේන්තු නිලධාරීන් උත්සාහ දරන අතර එය වලක්වන ලෙස බලධාරීන්ගෙන් ඉල්ලා සිටින බව සත්‍යග්‍රහයේ නිරත වන පුද්ගලයාගේ බිරිඳ ප්‍රකාශ කර ඇත.
Post a Comment