රත්‍රං ජාවාරමක නිරතවු ශ්‍රී ලාංකික සරණාගත පුද්ගලයෙකු ඉන්දියාවේ දින්දිගුල්, බත්ලගුණ්ඩු ප්‍රදේශයේ දී අත්අඩංගුවට ගෙන තිබේ.
අදාළ පුද්ගලයා එරට බත්ලගුණ්ඩු ප්‍රදේශයේ පුදුපට්ටි සරණාගත කඳවුරේ රැඳි සිටිය දී අත්අඩංගුවට ගෙන ඇති බව සදහන්ය.
මෙලෙස අත්අඩංගුවට ගෙන ඇත්තේ 34 හැවිරිදි පොන්සල්කුමාර් නැමැති පුද්ගලයෙකි.
ඔහු සතුව තිබී ග්‍රෑම් 694ක් බරැති රත්‍රං කුට්ටි 02ක් සොයාගෙන තිබේ.
පසුගිය සදුදා ඉන්දියාවේ දනුෂ්කෝඩි ප්‍රදේශයේ දී රත්‍රං ජාවාරමේ නිරත වු ඉන්දීය ධීවරයින් දෙදෙනෙකු එරට පොලිසිය විසින් අත්අඩංගුවට ගනු ලැබුණි.
ඔවුන්ගෙන් සිදුකරන ලද ප්‍රශ්න කිරීම්වලදී අදාළ පුද්ගලයා පිළිබඳ තොරතුරු අනාවරණය වී තිබේ.
ඒ අනුව ඉන්දීය පොලිසිය විසින් ඔහු අත්අඩංගුවට ගෙන ඇති අතර මීට පෙර ඔහු මත්ද්‍රව්‍ය ජාවාරමක් සම්බන්ධයෙන් වසර 08 ක කාලයක් පුසාල් බන්ධනාගාරයේ රඳවා සිටි අයෙකු බව සඳහන්ය.
.jpg)
Post a Comment