අද (29) පොදු අපේක්ෂක ජනාධිපතිවරණ මෙහෙයුම් කාර්යාලයේ දී පැවැති මාධ්‍ය හමුවකදී ඔහු මේ බව පැවසීය.
එහිදී පාඨලි චම්පික රණවක මහතා මෙසේ ද වැඩිදුරටත් අදහස් දැක්වූ බව පොදු අපේක්ෂක මාධ්‍ය ඒකකය නිකුත් කළ නිවේදනයක සඳහන් වෙයි.
එම නිවේදනය වැඩිදුරටත් පහත පරිදිය.
2005 වසරේ මහන්ද චින්තන ප‍්‍රත්පත්ති ප‍්‍රකාශයේ ත‍්‍රස්තවාදීන් සමග සටන් කරන බව සඳහන් වූයේ නැත. එහි සඳහන් වූයේ ත‍්‍රස්තවාදී නායකයා සමග සාකච්ඡා මාර්ගයෙන් ප‍්‍රශ්න විසඳා ගන්නා බවයි. එහි ප‍්‍රතිඵලයක් ලෙස බැසිල් රාජපක්ෂ මහතා හා එමිල් ඛාන් සමග සාකච්ඡා පැවැත්වීය. ජය ලංකා ව්‍යාපාරය යටතේ සුනාමි ව්‍යවසනයෙන් පීඩාවට පත් වුවන්ගේ නිවාස සෑදිමට ලැබුණු මිලියන 700 මුදල ත‍්‍රස්තවාදීන්ට ලබා දුන් බවට තොරතුරු ලැබේ.
ප‍්‍රභාකරන්ගේ මරණයෙන් පසු 2009 ජූලි 21 වෙනි දින නිකුත් කළ ත‍්‍රස්තවාදීන් නැවත සංවිධානය වන බව ඉදිරිපත් කළ මාධ්‍ය නිවේදනයේ නව නායකයා පද්මනාදන් ලෙස හඳුන්වා දී තිබුණි. ලංකාව තුළ බොහෝ ඝාතන ප‍්‍රමාණයක් ඔහු විසින් සිදු කළා. ආයුධ හා පුපුරණ ද්‍රව්‍ය රටතුළට ගෙන ඒමට ඔහු දායක වුණා. ඔහු වර්තමාන ආණ්ඩුවේ රැකවරණය ලබමින් සිටිනවා. කිළිනොච්චිය ප‍්‍රදේශයේ සිට මහින්ද රාජපක්ෂ මහතාගේ මැතිවරණ කටයුතු මෙහෙයවනු ලබන්නේ ඔහු විසින්.
නැගෙනහිර පළාතේ විශාල පිරිසක් ඝාතනය කර ඌව, දකුණ වැනි ප‍්‍රදේශවල පවා භීෂණය පැතිර වූ ‘රාම්’ හා ‘නගුලන්’ යන ත‍්‍රස්තවාදී නායකයින් නිදහස් කර රාජපක්ෂ මහතාගේ දේශපාලන කටයුතු සඳහා යොදාගනී.පිල්ලේයාන් හා කරුණා අම්මාන් යන අයට අමතරව ලේ තැවරුණ ත‍්‍රස්තවාදීන් මහින්ද රාජපක්ෂ මහතා සමග සිටි. මහින්ද රාජපක්ෂ මහතාගේ උතුරේ ජන්ද වර්ජනය කිරීමේ ව්‍යාපෘතිය තුළින් නැවත ත‍්‍රස්තවාදී බලපෑම් මුළු රටටම ඇති වීමේ අවදානමක් තිබේ. රටට විණකළ ජාතිය විනාශ කරන මේ සෑම ත‍්‍රස්තයෙක්ම වහාම අත්අඩංගුවට ගත යුතු බව චම්පික රණවක අවධාරණය කරයි.
මෛත‍්‍රිපාල සිරිසේන මහතා බලයටපත් වූ විට රටේ එකීය භාවය අස්ථාවරවන බවට ආණ්ඩුපක්ෂය විසින් චෝදනා නගිමින් සිටි. මහින්ද චින්තනය ලොව දිනන මග ප‍්‍රකාශනය තුළ ආණ්ඩුක‍්‍රම ව්‍යවස්ථාව වෙනස් කරන බව සඳහන් කළත් රටේ ප‍්‍රජාතන්ත‍්‍රවාදී ආයතන,ඒකීය භාවය පිළිබඳව කිසිදු සඳහනක් නැත.
නමුත් මෛත‍්‍රීපාල සිරිසේන මහතාගේ ප‍්‍රතිපත්ති ප‍්‍රකාශනය තුළ අත්නෝමතික විධායක ජනාධිපති ක‍්‍රමය වෙනුවට කැබිනට් මණඩලය හරහා පාර්ලිමේන්තුව හා සම්බන්ධ වූ ආණ්ඩු ක‍්‍රම ව්‍යුහයක් හඳුන්වා දෙනු ඇත. එහිදී ජනාධිපතිවරයා නීතිය ඉදිරියේ අන් පුරවැසියන් හා සමානව සලකනු ඇත. මෛත‍්‍රීපාල සිරිසේන මහතාගේ ප‍්‍රතිපත්තිය ප‍්‍රකාශනය, කිසියම් සංවිධානයක හෝ පුද්ගලයෙකුගේ ප‍්‍රතිපත්තියක් නොවෙයි.එය පොදු ප‍්‍රතිපත්තියකි.
මෙම අවස්ථාව සඳහා සම්බන්ධ වූ ජාතික හෙළ උරුමයේ සභාපති පූජ්‍ය අතුරලියේ රතන හිමියෝ මෙලෙස ප‍්‍රකාශ කළෝය.
‘‘වර්තමාන ආණඩුවට ත‍්‍රස්තවාදය නිර්මාණය කරගැනීමේ අවශ්‍යතාවක් තිබේ. මානුෂීය මෙහෙයුමක් කරා ගමන් කළේ අපි මූලිකත්වය ගැනීමෙන් පසුවය. 2012 වර්ෂයේදී කැසිනෝ නියාමන පනතක් ඇති කරගනිමින් කැසිනෝ ව්‍යාපාරිකයන්ට අවශ්‍ය පරිසරය සැකසීමට ආණුඩුව කටයුතු කළේය. අද වන විට මේ රටේ විසිදහසක් දෙනා මිය යන්නේ මත්ද්‍රව්‍ය හෙතුවෙනි. එය නැවැත්වීමට කටයුතු කළත් ඒ සඳහා අවස්ඵාව නොලැබුණි. එවැනි දේවලින් ලබා ගන්නා මුදල් ආණ්ඩුවේ මැතිවරණ කටයුතු සඳහා යොදාගනි.
.jpg)
Post a Comment